(ඩබ්. ඒ. පියතිලක)
හිඟුරක්ගොඩ ක්රිස්තු රාජාණන්ගේ කතෝලික දේවස්ථානයේ ආගමික සංහිඳියාවට මුල්තැන දෙමින් ඉතිහාසයේ පළමු වතාවට කුරුසය සහ ධර්ම චක්රය සහිතව වෙසක් කූඩු දේවස්ථානය පුරා අද (18) වෙසක් උත්සවය වෙනුවෙන් තරුණ සමිතියේ දරුවන් එක්ව වෙසක් කූඩු ප්රදර්ශනය කිරීමට කටයුතු කළ බව හිඟුරක්ගොඩ ක්රිස්තු රාජාණන්ගේ කතෝලික දේවස්ථානයේ ගරු ජූඩ් සපරමාදු මීසම් සේවක පියතුමා කියයි.
ගරු ජුඩ් සපරමාදු මිසම් සේවක පියතුමා මෙසේද කීය.
‘‘ලෝක සත්ත්වයාගේ හිතසුව පිණිස පන්සාලිස් වසක් දේශනා කළ ඒ දහම් මග කුමන තාරාතිරමක පුද්ගලයෙකු වුවත් පිළිපැදීම තුළින් දෙලොව යහපත සලසා ගතහැකි මාර්ගය අවබෝධ කරගැනීමට හේතු සාධක වන බවත්, තවද එය මේ රටේ උපන් බොදු සහෝදර සහෝදරියන්ගේ පමණක් නොව අප සැමගේම ද පොදු උරුමයයි. අප අදහන ආගම කුමක් වුවත් ඒ හැම ආගමකටම බුදු දහම සරු පසකි. එය එසේ වන්නේ කිතු දහම ඇතුළු ලොව ප්රධාන ආගම් සියල්ලේම පදනම ප්රේමය හෙවත් මෛත්රිය වන නිසාය. ක්රිස්තුන් වහන්සේ අපට උගන්වන්නේ දෙවියන් වහන්සේ යනු ප්රේමය කියායි.
කෙසේ නමුත් අපි මේ වෙසක් පෝය දිනය මුළු ලෝකයටම ආදර්ශයක් වෙමින් අප දේවස්ථානයේ තරුණ පිරිසද මෙම දේවස්ථානයේ සහායක පියතුමා වන කේ. ලක්ෂ්මන් පියතුමා ඇතුළු එක්ව වෙසක් කුඩු ප්රදර්ශනය කලේ ආගමික සහ සියලු ජාතින්ගේ සංහිඳියාව පිළිබිඹු වීම සඳහාය.
විශේෂයෙන්ම මේ වසරේ අපට වෙසක් උත්සවය සමරන්නට සිදු වී ඇත්තේ වෙනදාටත් වඩා අපේ ආගමික පැවැත්ම පරීක්ෂාවට ලක්වන සමයකයි. වෛරය ආගමක කරගත් ත්රස්තවාදය අද ප්රේමයේ ආගම් සියල්ලටම බලවත් අභියෝගයක්ව ඇත. එහෙත් බද්ධ වෛරය හා ප්රචණ්ඩත්වය පරාජය කිරීමට හැක්කේ මෛත්රියට පමණි. එය අප අදහන සෑම ආගමක් ම අපට උගන්වන පරම සත්යයයි. එබැවින් එය අප ආධ්යාත්මික පැවැත්මේ කේන්ද්රය කරගැනීමට වෙර දරමු, වෛරයේ ගිනි නිවා සියල්ලන් සුවපත් කර උතුම් දැහැමියාවකට පියවර නගමු. ඔබ සැමට සුපින්බර වෙසක් මංගල්යයක් වේවා‘‘ යැයි පැවසීය.
ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්රසිද්ධය. රට තු
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී සිය දීප ව්යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
හිඟුරක්ගොඩ දේවස්ථානය වෙසක් කූඩුවලින් සරසයි
චමින්ද Sunday, 19 May 2019 01:15 AM
පුත්තලම් පැත්තේ හිටියාවගේ පොලිස් ලොක්කෙක් හිඟරක්ගොඩෙ පැත්තේ හිටියානම් ඔය වැඩේ කරන්න දෙන්නේ නැහැ කියල හිතෙනවා.
janahitha Sunday, 19 May 2019 02:14 AM
ආගම ධර්මය කියන්නේ මිනිස්සු හික්මවන , යහපත් සිතුවිලි මවන හොඳ දෙයක් මිසක් මිනිස් ඝාතන කරන ආයුධයක් නොවන බව හැම ආගමකම කියල තිබුණත්, මොලය විකෘර්ති වෙලා හෝ මොලය සෝදා ඇති අයට එය නොතේරෙන බව පසු ගිය සිදුවීම් වලින් හොඳටම පැහැදිලි වුනා. වාද අත හැර ආගමික නායකයින් එකතු වුනොත් අපිට හොඳ තැනකට යන්ඩ බැරි වෙන්නනේ නැහැ.
Bamunuarachchi Sunday, 19 May 2019 03:17 AM
මම බෞද්දයෙක් නමුත් නතතල් දිනට මෙගේ ගෙදර මගේ ළමයා නත්තල් ගසක් හදනවා. මාසයක් පමණ එය ගෙදර තිබෙනවා. ගෙදරට එන මුනුබුරාලට මිනිබිරීලට තෑගිත් ඒ ගස යට තියා තිබෙනවා. අපි ඒ කරන්නේ අහිංසක සැරසිල්ලක් හරියට. එයින් අපි කිසියම් ආස්වාදයක් විඳිනවා. ආගම්වලට අදාළ කිසිවක් මෙතන නැත.
nihal Sunday, 19 May 2019 04:32 AM
ඉතාම විශිෂ්ටයි