(රංජිත් රාජපක්ෂ)
 
හැටන් සිංගිමලේ කන්දේ නැගෙනහිර මායිම් ප්‍රදේශයේදී අද(13) ගින්නක් හටගෙන ඇති බව හැටන් පොලිසිය පවසයි.
 
පවතින වියළි කාලගුණයත් සමග ගින්න වේගයෙන් කඳු මුදුන දක්වා පැතිර යමින් පවතී.
 
සිංගිමලේ කඳු මුදුනේ සිට පහළට ගලා බසිනා ජල මූලාශ්‍ර එක්රැස් කර හැටන් ප්‍රදේශයට ජාතික ජල සම්පාදන මණ්ඩලය මගින් ජලය ලබා ගන්නා ජල වේල්ලද එම ස්ථානයේ පිහිටා ඇත.
 
සිංගිමලේ කඳු රක්ෂිතයේ කඳුකරයට ආවේනික ක්ෂිරපායි සතුන් මෙන්ම, පක්ෂින්ද ගණනාවක්ද වෙසෙන අතර දුර්ලභ දැව සහ ආයුර්වේද ඖෂධ පැළෑටි ගණනාවක්ද තිබෙන බව හැටන් වන අඩවි කාර්යයාලයේ නිලධාරීහු පවසති.
 
කිසියම් පිරිසක් මෙම රක්ෂිතයට ගිනි තබන්නට ඇති බව හැටන් පොලිසිය සැකකරයි.
 
පැතිර යන ගින්න පාලනය කිරීමට හැටන් පොලිසියේ නිලධාරීහු, හැටන් වන අඩවි කාර්යයාලයේ නිලධාරීහු සහ ප්‍රදේශවාසීහු මේ වන විට කටයුතු කරමින් සිටිති.