(රංජිත් රාජපක්ෂ)
 
ගිනිගත්හේන පොලිස් වසමට අයත් අඹගමුව මහපතන සෙල්ලිපිගම ප්‍රදේශයේ සැමියකු විසින් තියුණු ආයුධයකින් සිය බිරිදගේ ගෙල කපා ඝාතනය කර ඇති බව ගිනිගත්හේන පොලිසිය පැවසිය.
 
ඝාතනය කර ඇත්තේ යාපා පතිරණලාගේ බාලිකා ප්‍රියදර්ශනි නැමති දෙදරු මවකි.
 
ඉකුත් 27 දින සැමියා දරුවන් දෙදෙනා පිටතට යවා බිරිද සමග අඩදබර වි බිරිඳගේ ගෙල කපා ඝාතනය කර නිවසේ දොරගුළු දමා වසා දරුවන් දෙදෙනා රැගෙන නිවසින් පිටව ගොස් ඇත. (28) දින රාත්‍රියේ සැකකරුගේ සහෝදරයෙකුගේ මාර්ගයෙන් ඒ බව ගිනිගත්හේන පොලිසිය වෙත දැනුම් දීමෙන් පසු පොලිසිය විසින් දෙදරු මවගේ සිරුර සොයාගෙන සැකකරු අත්අඩංගුවට ගෙන ඇත.
 
බිරිද කාලයක් තිස්සේ අනියම් සම්බන්ධතාවයක් පවත්වන බවත්, ඒ පිලිබදව වු බහින් බස් විමක් දුර දිග යාමෙන් පසු ඇය තියුණු ආයුධයක් රැගෙන තමන්ට පහර දිමට උත්සහ කළ බවත්, එම අවස්ථාවේ එම ආයුධය තමන් උදුරාගෙන බිරිදගේ ගෙල කපා ඝාතනය කල බව සැකකරු විසින් වැඩි දුරටත් පොලිසියට පවසා ඇත.