සයින්දමරුදු බල ප්‍රදේශයට නව නගර සභාවක්
(නාලක සංජීව දහනායක)
කල්මුණේ නගර සභාව යටතේ පාලනය වූ සයින්දමරුදු බල ප‍්‍රදේශය සදහා නව නගර සභාවක් පිහිටුවීමට රජය තීරණය කර තිබේ.
නැගෙනහිර පළාත් ජනතා නියෝජිතයන් හා රාජ්‍ය නිලධාරීන් සමග අරලියගහ මන්දිරයේදී ඊයේ පැවැති සාකච්ඡාවකදී අග‍්‍රාමාත්‍ය මහින්ද රාජපක්‍ෂ මහතා මේ බව සඳහන් කර ඇත.
එමෙන්ම කල්මුණේ උතුර සහකාර ප‍්‍රාදේශීය ලේකම් කාර්යාලය ප‍්‍රධාන ප‍්‍රාදේශීය ලේකම් කාර්යාලයක් ලෙස උසස් කිරීමට අදාලව නිර්දේශ ඉදිරිපත් කිරීම සදහා කමිටුවක් පත්කිරීමටද තීරණය කර ඇත.
ඊට අමතරව දෙහිඅත්තකණ්ඩිය ප‍්‍රාදේශීය ලේකම් කාර්යාලය යටතේ පවතින 13ක් වන ග‍්‍රාම නිලධාරී වසම් සංඛ්‍යාව 46ක් දක්වා වැඩිකිරීම සඳහා කැබිනට් පත‍්‍රිකාවක් ඉදිරිපත් කරන ලෙස අග‍්‍රාමාත්‍ය මහින්ද රාජපක්‍ෂ මහතා රාජ්‍ය පරිපාලන අමාත්‍යංශයට උපදෙස් දී තිබේ.
එම ග‍්‍රාම නිලධාරී වසම් සංඛ්‍යාව නීත්‍යානුකූලව සීමා නීර්ණය සිදුකොට නම් කරන තෙක් රජයේ සංවර්ධන ප‍්‍රතිලාභ ලබාදීමේදී ග‍්‍රාම නිලධාරී වසම් හතලිස් හයක් සේ සලකා කටයුතු කරන ලෙසද අග‍්‍රාමාත්‍යවරයා එහිදී නිලධාරීන්ට උපදෙස් දෙනු ලැබීය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
