2025 ජුලි මස 17 වන බ්‍රහස්පතින්දා
(විනීතා එම් ගමගේ)
මධ්‍යම සංස්කෘතික අරමුදල මගින් කි‍්‍රයාත්මක, තිස්සමහාරාම වෙහෙරගොඩැල්ල පුරාවිද්‍යා පරිශ‍්‍රයේ කැණීම් කටයුතු ආරම්භ කිරීමේ කටයුතු මේ මස 19 වැනිදා සිට ආරම්භ වන බව මධ්‍යම සංස්කෘතික අරමුදල පවසයි.
දකුණු පළාතේ හම්බන්තොට දිස්ත‍්‍රික්කයේ තිස්සමහාරාම ප‍්‍රාදේශීය ලේකම් කොට්ඨාසයේ කච්චේරියගම ප‍්‍රදේශයේ වෙහෙරගොඩැල්ල පුරාවිද්‍යාත්මක භූමිය පිහිටා ඇත.
තිස්සමහාරාම පුරාවිද්‍යා පරිශ‍්‍රයේ පිහිටා ඇති මැණික් ස්තූපය, යටාල ස්තූපය, තිස්සමහාරාම ස්තූපය සහ සඳගිරි ස්තූපය යන ප‍්‍රධාන ස්තූපයන්ට කේන්ද්‍රීයව මෙම වෙහෙරගොඩැල්ල පුරාවිද්‍යාත්මක ස්ථානය පිහිටා ඇති අතර මෙහි ඉතිහාසය අනුරාධපුර යුගය (කි‍්‍ර.පූ. 220) දක්වා දිවයන බවට අනුමාන කෙරෙතැයි මධ්‍යම සංස්කෘතික අරමුදලේ ප‍්‍රධාන පරිපාලන නිලධාරී බර්නාඞ් වසන්ත මහතා ලංකාදීපයට පැවැසීය.
ඉපැරණි යටාල ස්තූපයට ඉතා සමීප දුරකින් පිහිටා ඇති නිසා වෙහෙරගොඩැල්ල ස්තූපයද යටාල ස්තූපය හා සමීප සම්බන්ධතාවක් ඇති බවට අනුමාන කරන බව ද හෙතෙම කියා සිටියේය.
දැනට වල් බිහි වී පවතින මෙම පුරාවිද්‍යා පරිශ‍්‍රය ඉදිරියේදී නිසි පුරාවිද්‍යා ක‍්‍රමවේදයන්ට අනුකූලව කැණීම් සහ සංරක්ෂණ කටයුතු සිදු කිරීමටත් අනතුරුව රුහුණු මාගම්පුර ඉතිහාසය විදහා දක්වමින් සංචාරක ආකර්ෂණය ගොඩනැංවෙන ස්මාරකයක් ලෙස සංවර්ධනය කිරීමටත් අපේක්ෂා කෙරෙන බව ද වසන්ත මහතා කියා සිටියේය.
නිවාස, ඉදිකිරීම් හා සංස්කෘතික කටයුතු අමාත්‍ය සජිත් පේ‍්‍රමදාස මහතාගේ උපදෙස් හා මගපෙන්වීම මත මෙම කටයුතු කි‍්‍රයාත්මක කෙරෙන බව ද ඔහු පැවසීය.
2025 ජුලි මස 15
173
0
ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී
2025 ජුලි මස 14
376
0
ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු
2025 ජුලි මස 14
161
0
ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
වෙහෙරගොඩැල්ල පුරාවිද්‍යා භූමියේ කැණීම් 19 දා සිට