විදුලි සැර වැදී අයෙක් මරුට
(බලපිටිය- එස්. ඒ. වයි. ද සිල්වා)
විදුලි සැර වැදීමෙන් ඊයේ රාත්‍රි (26) පුද්ගලයෙකු මිය ගොස් තිබේ.
මෙසේ මිය ගොස් ඇත්තේ අහුන්ගල්ල පොල්අතුපළාත ප්‍රගති මාවතේ පදිංචි ව සිටි එච්. එච්. ගුණසිරි (55) නමැති සත් දරු පියෙකි.
ඌරන්ට අටවන ලද විදුලි රැහැනක පැටලී විදුලි සැර වැදී පොල්අතුපළාත හොරඬුව යාය කුඹුරේ වැටී සිටිය දී අලුයම දෙකට පමණ සොයාගෙන තිබේ. රාත්‍රියෙම මොහු බලපිටිය මූලික රෝහලට ඇතුළත් කර තිබෙන අතර ඒ වන විටත් මියගොස් ඇති බව කියති.
රාත්‍රි 7.30ට පමණ පල්ලෙහාට යන බව කියමින් ගෙදරින් පිටත් වූ බවත් ගෙදර නොපැමිණි නිසා රාත්‍රි 12.00 ට පමණ සොයන්නට පටන් ගත් බවත් අලුයම 2ට පමණ හමු වූ බවත් මිය ගිය අයගේ බිරිය වන ජේ. ඒ. ප්‍රේමලතා මහත්මිය පැවසුවාය.
අද (27) පෙරවරුවේ මහේස්ත්‍රාත් පරීක්ෂණය පැවැත්වීමට නියමිත අතර අහුන්ගල්ල පොලීසිය වැඩිදුර පරීක්ෂණ කටයුතු මෙහෙයවයි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
