(නිමල් ජයරත්න)

පොළොන්නරුව ජල ගැලූම් නිම්න ජාතික වනෝද්‍යානයේ මහවැලි ගඟේ වැලිකන්ද කටුවන්විල පෙදෙසෙන් ට‍්‍රැක්ටර් දමා වැලි ජාවරමක නියැලී සිටි දෙදෙනෙකු අද (17) අත්අඩංගුවට ගත් බව මනම්පිටිය වනජීවි කාර්යාලය පවසයි.

වැටලීමට ගිය අවස්ථාවේ දී  වනජීවියට අයත් කැබ් රථයක් මග හරස් කර දමා ටයර් වලට ඇණ ගැසීමට සූදානම්ව සිටි තිබේ. අත්අඩංගුවට ගත් සැකකරුවන් සන්තකයේ තිබූ වැලිපැටවු ට‍්‍රැක්ටර් දෙකක් පොලිස් බාරයට ගැණිනි.

එලෙස අද අලුයම මහවැලි ගඟට ට‍්‍රැක්ටර් 10 ක් පමණ නීතිවිරෝධීව වැලි ගොඩ දමන ජාවාරම්කරුවන් වැටලීමට ගිය විට ඔවුන්ගෙන් කිහිපදෙනෙකු පලා ගොස් ඇති බවත් කොටු වූ දෙදෙනෙකු වැලි පැටවූ ට‍්‍රැක්ටර් දෙක සමඟ අත්අඩංගුවට ගනු ලැබීය.

අත්අඩංගුවට ගත් අවුරුදු 45 ක සහ අවුරුදු 23 ක පිය පුතු දෙපළ සමඟ වැලි පැටවූ ට‍්‍රැක්ටර් රථ දෙක පොළොන්නරුව මහේස්ත‍්‍රාත් අධිකරණයට ඉදිරිපත් කිරීමට නියමිතය.