(ජේ.කේ.එල් චාමින්ද සහ ජී ඩබ්ලිව් කේ ප්‍රේමතිලක ද සිල්වා)
නීතිවිරෝධී ලෙස මෝටර් රථයකින් වල්ලාපට්ටා කිලෝ 8ක් ප්‍රවාහනය කරමින් සිටි පුද්ගලයකු අද (13) අලුයම ඉමදුව වතවන ප්‍රදේශයේදි අත්අඩංගුවට ගත්බැව් ඉමදුව පොලිසිය පවසයි.
පොලිස් නිලධාරින්ට සැක සිතී මෙම රථය පරීක්ෂා කිරීමේදී වල්ලපට්ටා තොගය සොයාගත් බැව් පොලිසිය පවසයි.
සැකකරුගේ සහායට මෙම මෝටර් රථයට පිටුපසින් යතුරු පැදියකින් පැමිණි තවත් පුද්ගලයන් දෙදෙනෙකු ද සැකපිට අත්අඩංගුවට ගෙන තිබේ.
මොවුන් වයස අවුරුදු 31,22 හා 30 යන වියේ පසුවන අය බවද මොවුන් තිදෙනාම රක්වාන ප්‍රදේශයේ පදිංචිකරුවන් බවද පොලිසිය පවසයි.
වල්ලපට්ටා තොගය බෙලිඅත්තේ සිට රක්වානට රැගෙන යමින් සිට ඇති බව පොලිස් පරීක්ෂණවලදි අනාවරණය වී ඇත. කාර් රථයේ ඇති වු කාර්මික දෝෂයක් හේතුවෙන් යතුරුපැදියෙන් පැමිණි දෙදෙනා ගෙන්වාගෙනඇත.
අත්අඩංගුවට සැකකරුවන් අද (13) ගාල්ල මහේස්ත්‍රාත්වරයා වෙත ඉදිරිපත් කිරීමට නියමිතය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
