(නවරත්න සමරතුංග)
 
අම්පාර දිස්ත්‍රික්කයේ උහන මායාදුන්න ගමට පැමිණි වල් අලියෙකු පහරදීමෙන් මවක් සහ  පුතෙකු බරපතල තුවාල ලබා අද(22)අම්පාර මහ රෝහලට ඇතුළත් කිරීමෙන් පසු පුත්‍රයා මියගොස් ඇති බව උහන පොලීසිය පවසයි.

 
සිද්ධියෙන් මිය ගොස් ඇත්තේ මයිලපිටිය විදුහලේ උප විදුහල් පතිවරයෙකු බව කියන ගලගෙදර ප්‍රියන්ත නැමැති 36හැවිරිදි තරුණයෙකි.
 
66 හැවිරිදි මව නේවාසිකව ප්‍රතිකාර ලබමින් පසුවෙයි.
 
රාත්‍රිකාලයේ ගම් වැදී සිටි මෙම අලියා උදෑසන එලවා දැමූ පසුව මව සහ පුත්‍රයා සිය නිවස දෙසට යමින් සිටියදී ඔවුන් පසු පස නැවත පන්නාගෙන විත් ඇත. එවිට තම මවගේ ජීවිතය බේරා ගැනීමට පුත්‍රයා උත්සාහ කරන විට ඔහු අලියාගේ දරුණු ප්‍රහාරයකට ලක්ව ඔහුගේ මවද තුවාල ලබා ඇත.
 
අම්පාර මහ රෝහලේදී අධිකරණ නියමන් මත මේ සම්බන්ධව පශ්චාත් මරණ පරීක්ෂණයක් සහ හදිසි මරණ පරීක්ෂණයක් පැවැත් වීමට පියවර ගන්නා බව පොලිසිය කියයි.