වන අලියකුගේ පහරින් දැරියක ජීවිතක්ෂයට

(ක.ග.කරුණාරත්න සහ මනම්පිටිය නිමල් ජයරත්න)

දිඹුලාගල, ඇල්ලේවැව ප්‍රදේශයේදී අද (30) අළුයම වන අලියෙකු පහරදීමෙන් 12 හැවිරිදි පාසැල් සිසුවියක ජීවිතක්ෂයට පත්ව ඇතැයි අරලගංවිල පොලීසිය කියයි.

සිද්ධියෙන් මියගොස් ඇත්තේ දිඹුලාගල, ඇල්ලේවැව, ඩී 6 ලිපිනයේ පදිංචිව සිටි ඩබ්ලිව්.එම්.ඩබ්ලිව්.ජී. හිරුෂි නිෂාදි දිසානායක නැමැති දැරියයි. ඇය අළුයම නින්දෙන් පිබිදී නිවෙස අසල පිහිටි වැසිකිළියට යාමට ගිය අවස්ථාවේ ගෙවත්තේ රැඳීසිටි වනඅලියෙකු පහරදී තිබෙන බව පොලීසිය සිදුකල විමර්ශන වලදී අනාවරණය වී තිබේ. අලියාගේ පහරකෑමට ලක්ව බරපතල තුවාල ලබාසිටි එම දැරිය ප්‍රතිකාර ලබාදීම සඳහා පොලොන්නරුව මහරෝහලට ඇතුළු කිරීමෙන් අනතුරුව මියගොස් ඇත.

අරලගංවිල පොලීසිය මේ පිළිබඳව පරීක්‍ෂණ පවත්වයි.

(ඡායාරූප - මනම්පිටිය නිමල් ජයරත්න)