(සිතුම් චතුරංග)
 
කොළඹට ප්‍රවාහනය කිරීමට සඳහා සූදානම් කරමින් තිබූ රුපියල් ලක්ෂ 30 වටිනා කේරළ ගංජා කිලෝ 18 සමඟ පුද්ගලයකු අද(19) යාපනය, මරදන්කේණි හීදි අත්අඩංගුවට ගත් බව යාපනය සුරාබදු කාර්යාලය කියයි.
 
අත්අඩංගුවට ගත් සැකකරු යාපනයේ පදිංචි 35 හැවිරිදි පුද්ගලයෙකි.
 
මත්ද්‍රව්‍ය බෙදාහරින පුද්ගලයකු පිළිබඳ යාපනය සුරාබදු නිලධාරීන් වෙත ලැබුණ තොරතුරක් මත කළ වැටලීමකදී යතුරු පැදියක් තුළ සඟවා කේරළ ගංජා රැගෙනයමින් සිටි සැකකරු අත්අඩංගුවට ගෙන තිබේ.
 
ධීවර බෝට්ටු මාර්ගයෙන් ඉන්දියාවේ සිට මෙම කේරළ ගංජා රැගෙනවිත් ඇති බවත් ප්‍රදේශයේ මත්ද්‍රව්‍ය ජාවාරම්කරුවකුගේ මෙහෙයවීම මත කේරළ ගංජා කොළඹට ප්‍රවාහනය කිරීමට සූදානම් කර තිබූ බවත් අනාවරණය වී ඇත. සැකකරු කේරළ ගංජා තොගය යතුරු පැදියෙන් කිසියම් ස්ථානයකට ප්‍රවාහනය කිරීමෙන් අනතුරුව කොළඹට ප්‍රදේශයට රැගෙනයන බව පවසා තිබේ.
 
සැකකරු පේදුරුතුඩුව මහෙස්ත්‍රාත් අධිකරණයට ඉදිරිපත් කිරීමට නියමිතය.