රන් භාණ්ඩ සොරකම් කළ කතුන් දෙදෙනෙකු රිමාන්ඩ්

(සම්පත් ප්‍රියනන්දන සහ නාලක ජේ හෙට්ටිආරච්චි )

දිවයිනේ විවිධ ප්‍රදේශවලින්  රන් භාණ්ඩ සොරකම්  කළ  සැකකාර  කාන්තාවන් දෙදෙනෙකු  ජනවාරි 14  වැනිදා දක්වා රක්ෂිත බන්ධනාගාරගත කරන ලෙස බලන්ගොඩ  වැඩබලන මහෙස්ත්‍රාත් එම්.එම්. රෆික්  මහතා අද (10)  නියෝග කළේය.

බලන්ගොඩ පොලිස් බල ප්‍රදේශයේ  කිරිමැටිතැන්න  ලංකාබරණ  වත්ත ප්‍රදේශයේ  පදිංචි  30 සහ 38 හැවිරිදි  වයස්වල පසුවන කාන්තාවන් දෙදෙනෙකු  මෙලෙස රක්ෂිත බන්ධනාගාර ගත කෙරිණි.

සංවිධානාත්මකව  දිවයිනේ විවිධ ප්‍රදේශවලින්  සොරකම් කරන  ලද රන්  මාල පහක්,රන් අත් පළඳනා  දෙකක්  සහ රන් කරාබු, ජෝඩු  දෙකක්  සමඟ   මෙම  කාන්තාවන් දෙදෙනා  ඊයේ (09) දා රාත්‍රියේ බලන්ගොඩ පොලිසිය විසින් අත්අඩංගුවට ගනු ලැබීය.
මෙම සැකකාරියන් දෙදෙනා මන්නාරම,රත්නපුර හා බදුල්ල  ඇතුළු ප්‍රදේශවලින්  මෙම රන් භාණ්ඩ සොරකම් කරගෙන ඇති බව පොලිසිය සිදුකළ විමර්ශන වලදී අනාවරණය කරගෙන තිබේ.