(ඩී.ජී.සුගතපාල)
රත්ගම පන්විල මොන්රෝවියා වත්තේ කසළ ප්රතිචක්රියකරණ මධ්යස්ථානයට කසළ ප්රවාහනය කිරිමත් එම මධ්යස්ථානයට කසළ බාර ගැනිමත් තහනම් කරමින් ගාල්ල ප්රධාන මහෙස්ත්රාත් හර්ෂණ කැකුණවෙල මහතා දකුණු පළාත් පාලන කොමසාරිස්වරයාටත් කසළ ප්රතිචක්රියකරණ මධ්යස්ථානයේ බාරකරුටත් අද (14) කොන්දේසි සහිත ආඥාවක් නිකුත් කළේය.
රත්ගම පොලිසිය අධිකරනයට කරුනු වාර්තා කරමින් කියා සිටියේ මෙම කසළ ප්රතිචක්රිය මධ්යස්ථානය නිසා අවට පදිංචිකරුවන්ට දෛනික කටුයුතු කරගෙන යාමට නොහැකිව ඇති අතර දැඩි දුර්ගන්ධයක් පැතිර යන බවත් ලිං ජලයට අපද්රව්ය මුසුවි ඇති බවත් කුඹුරු අස්වැද්දිමට නොහැකි බවත් මේ නිසා ජනතාව අපහසුවට පත්ව ඇති බැවින් එම මධ්යස්ථානයට ගෙන එනු ලබන සියලුම කසළ ගෙන ඒම වැළැක්විම සඳහා අපරාධ නඩු විධාන සංග්රහයේ 98(1) වගන්තිය යටතේ කොන්දේසි සහිත ආඥාවක් නිකුත් කරන ලෙස ඉල්ලා සිටියේය.
මේවනවිට ගාල්ල දිස්ත්රික්කයේ පළාත් පාලන ආයතන හතක කසළ මෙම කසළ ප්රතිචක්රිය මධ්යස්ථානයට ගෙන එනු ලැබේ.
ඉදිරිපත් කරන ලද සියලු කරුණු සළකා බලන ලද මහේස්ත්රාත්වරයා රත්ගම පොලිස් ස්ථානාධිපති පොලිස් පරික්ෂක ප්රභාත් විතානගේ මහතා විසින් විසින් ඉදිරිපත් කරනලද දිව්රුම් ප්රකාශයෙහි අඩංගු කරුණුවලට අවධානය යොමු කිරිමේදි එම කසළ ප්රතිචක්රිය මධ්යස්ථානයට ගෙන එනු ලබන ඝණ අපද්රව්ය නිසා මහජනතාවගේ කායික සුවයට හානිකර බවට සෑහිමකට පත්විමෙන් පසු එම කසළ මධ්යස්ථානයට ගෙන එනු ලබන කසළ ප්රවාහනය කිරිම වළක්වාලමින් ජනවාරි 21වනදින දක්වා බල පැවැත්වෙන පරිදි දකුණු පළාත් පාලන කොමසාරිස් සේනක පල්ලියගුරු සහ කසළ මධස්ථානයේ බාරකරු බුද්ධික පතිරණ යන මහත්වරුන් වෙත මෙසේ කොන්දේසි සහිත ආඥාවක් නිකුත් කළේය.
එදිනට හෝ එදිනට පෙර අධිකරණයේ පෙනි සිට එම පනතෙහි 98(2) වගන්තිය යටතේ ප්රතිපාදන පරිදි මෙම ආඥාව අවලංගු කරවා ගැනිම පිණිස හෝ සුලු වශයෙන් වෙනස් කරවා ගැනිම පිණිස කරුණු දැක්විය යුතු බවටත් මහේස්ත්රාත්වරයා නියෝග කළේය.
රත්ගම පොලිස් ස්ථානාධිපති පොලිස් පරික්ෂක ප්රභාත් විතාන මහතා සමග සැරවන් දේවසිංහ මහතා අධිකරණයට කරුණු ඉදිරිපත් කළ අතර අගතියට පත් පාර්ශවය වෙනුවෙන් ජ්යෙෂ්ඨ නිතිඥ ප්රසිත වල්ගම මහතා සමග,අජිත් කුමාර,යසස්වින් ගොඩකන්ද යන මහත්වරු පෙනි සිටියහ.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
රත්ගම කසළ ප්රතිචක්රිය මධ්යස්ථානයට කසළ ප්රවාහනය තහනම් කරමින් අධිකරණ නියෝගයක්