(හිරාන් ප්‍රියංකර ජයසිංහ)

නීති විරෝධි අයුරින් මුහුදු සීමාව උල්ලංඝනය කර මසුන් මැරීම සම්බන්ධයෙන් චෝදනා එල්ල වූ  ධීවරයින් අට දෙනෙකුට එක් අයකුට රුපියල් ලක්ෂ 10 බැගින් ලක්ෂ අසුවක ඇප මුදලක් නියම කර ඇප මත මුදා හැරිමට කොළඹ අංක 05 අධිකරණයේ ප්‍රධාන මහෙස්ත්‍රාත් වයි.ඩි.ආර්.නෙළුම්දෙනිය මහතා අද (29) නියෝග කළේය.

මෙසේ ඇප මත මුද හැරු‍‍ණේ හලාවත තොඩුවාව ප්‍රදේශයේ පදිංචි ධීවරයින් අට දෙනෙකුට වන අතර මොවුන් ඔක්තෝම්බර් 14 දින බහුදින ධීවර යාත්‍රාවකින් මීගමුව පිටිපනින් මුහුදු ගොස් තිබේ.

මෙම ධීවරයින් ගමන් ගත් යාත්‍රාව නීති විරෝධි ආකාරයට මුහුදු සීමාවන් උල්ලංඝනය කරමින් මාලදිවයිනට සැතපුම් 400 ක් උතුරින් මසුන් ඇල්ලීමේ නිරත වී ඇත.

අදාල යාත්‍රාවේ ලොග් සටහන් නොතිබීම හා යාත්‍රා අධීක්ෂණ උපකරණ හිතා මතාම  ක්‍රියාවිරහිත කර තිබීම  සිදු කර ඇති බව ධීවර දෙපාර්තුමේන්තුවේ විමර්ශන ඒකකය පවසයි.

මෙම බහුදින යාත්‍රාව මසුන් මරා 28 දින නැවත දෙහිඕවිටින් ගොඩබීමට පැමිණීමත් සමඟ නාවික හමුදා නිලධාරීන්ගේ ආධාරයෙන් ධීවර හා ජලජ සම්පත් දෙපාර්තුමේන්තුවේ විමර්ශන ඒකකයේ නිලධාරීන් ඊයේ (28) රාත්‍රීයේ අත් අඩංගුවට ගෙන වෙරළ ආරක්ෂක දෙපාර්මේන්තුව භාරදී තිබුණි.

අදාල සැකකරුන් අත් අඩංගුවට ගැනීමෙන් අනතුරුව අධිකර්ණයට ඉදිරිපත් කර ඇත.

එම ධීවරයින් පිරිස ඇල්ලූ කිලෝ 5000 කට අසන්න මසුන් තොගය ප්‍රසිද්ධ වෙන්දේසියේ විකිණීටද  මහේස්ත්‍රාත්වරයා අද නියෝගය කළේය.