(කවිතා සුබසිංහ) 

සේවකයකු වශයෙන් සිට ප්‍රිස්කා නැමති  ආයතනයක රුපියල් 470,720 ක් සාපරාධී සාවද්‍ය පරිහරණය කර වංචා කිරීමේ සිද්ධියක් සම්බන්ධයෙන් අධිකරණය වෙත ඉදිරිපත් කළ අයකු ලබන 13 වැනි දා දක්වා රක්ෂිත බන්ධනාගාරගත කිරීමට මහර ප්‍රධාන මහේස්ත්‍රාත් හේශාන්ත ද මැල් මහතා අද (6) නියම කළේය.
 
නිශ්ශංක පෙරේරා නැමති අයකු මෙලෙස රක්ෂිත බන්ධනාගාර ගත කෙරිණි.
 
ප්‍රිස්කා ආයතයේ මුදල් අයකැමි වශයෙන් සේවය කර ඇති මෙම තැනැත්තා ආයනයේ මුදල් නිසි පරිදි අදාළ නිලධාරීන් වෙත ලබා දීමට කටයුතු නොකර  පලා ගොස් ඇති බවත් පසුව කිරිබත්ගොඩ පොලිසිය වෙත ලැබුණු තොරතුරක් මත රාගම ප්‍රදේශයේ දී සැකකරු අත්අඩංගුවට ගත් බවත් පොලිසිය අධිකරණයේ දී පැවසීය.
 
කිරිබත්ගොඩ පොලිසියේ පොලිස් සැරයන් 27909 අරුණ කුමාර නිලධාරියා හා  පොලිස් කොස්තාපල් 90521 ගුණසිංහ යන නිලධාරීහු පැමිණිල්ල මෙහෙයවූහ.