(ඩබ්. ඒ. පියතිලක)
වැලි ප්‍රවාහනය කරමින් තිබු ටිපර් රථයක් මින්නේරිය හබරණ ප්‍රධාන මාර්ගයේ බටුඔය ප්‍රදේශයේ පිහිටි වාන් ඇළට පෙරළීමෙන් එහි රියදුරු බරපතල තුවාල ලබා අද(22) පොළොන්නරුව මහ රෝහලට ඇතුළත් කළ බව මින්නේරිය පොලිසිය පවසයි.
මින්නේරිය වැවෙන් කන්තලේ වැවට ජලය රැගෙන යන වාන් ඇළේ ආරක්ෂක වැට ද කඩාගෙන ගිය ටිපර් රථය පෙරළී ඇත.
අනතුර වන අවස්ථාවේ වර්ෂා තත්වයක් පැවති බවත් ටිපර් රථ රියදුරා අධික වේගයෙන් සහ අපරීක්ෂාකාරීව රිය ධාවනය කිරීම හේතුවෙන් වේගය පලනය කරගත නොහැකිවී අනතුර සිදුව ඇති බවට පොලිසිය සැකකරයි.
ටිපර් රථයට ද වානට ද දැඩි අලාභහානි සිදුව ඇති බව වාරි මාර්ග දෙපාර්තමේන්තුව පවසයි.
මින්නේරිය පොලිස්ථානාධිපතිගේ මෙහෙයවීමෙන් එහි රථවාහන අංශය වැඩිදුර පරීක්ෂණ පවත්වයි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
