(ක.ග.කරුණාරත්න)

රජයේ සහතික මිල යටතේ මෙවර මාස් කන්නයේ පොළොන්නරුව දිස්ත‍්‍රික්කයේ ගොවීන්ගේ වී මිලදීගැනීම අඟහරුවාදා(17) සිට ආරම්භ කෙරෙන බව වී අලෙවි මණ්ඩලය කියයි.
 
දැනට පොළොන්නරුව දිස්ත‍්‍රික්කයේ වී අස්වනු නෙළීම කරනු ලබන මහවැලි බී කලාපයට අයත් වැලිකන්ද ප‍්‍රදේශයේ  වී මිලදී ගැනීම ප‍්‍රථමයෙන් ඇරඹීමට කටයුතු යොදා ඇතැයි වී අලෙවි මණ්ඩලයේ පොළොන්නරුව ප‍්‍රාදේශීය කළමනාකරු නිමල් ඒකනායක මහතා පැවැසීය.
 
තෙතමනය 14%ට වඩා අඩු ප‍්‍රමිතියෙන් යුත් සම්බා සහ නාඩු වී කිලෝවක් සඳහා  රුපියල් 50 බැගින් ගෙවා මෙවර රජය ගොවීන්ගෙන් වී මිලදී ගනු ලබයි.
 
දිස්ත‍්‍රික්කයේ මිලදී ගැනීමේ   මධ්‍යස්ථාන 21 ක් යටතේ වී මිලදී ගැනීමට සැලසුම් කර ඇති බවත් වී මෙට්‍රික් ටොන් 50,000ක් මෙවර මිලදී ගැනීමට රජය බලාපොරොත්තු වන බවත් ඒකනායක මහතා කීය.