(ඔගස්ටින් ප්‍රනාන්දු)                    

මාදම්පේ මරම්බැට්ටේ ප්‍රදේශයේ කලපුව අසල තිබී පෝර උරයක දමා තිබූ මිනිස් ඇට කටු තොගයක් අද (15) සොයා ගත් බව මාදම්පේ පොලිසිය කියයි.

කිසියම් සැකකටයුතු පෝර උරයක් කලපුව අසල කසළ ගොඩක ඇති බවට ලද තොරතුරක් මත පොලිස් නිලධාරීන් එම ස්ථානයට ගොස් පරීක්ෂා කර බැලූවිට මෙම පෝර උරය සමඟ ඇට කටු හමුවූ බවත් පොලිසිය  සඳහන් කරයි.

මෙම පෝර උරය කිසිවකු විසින් මෙම ස්ථානයට ගෙනැවිත් දැමූ බවට පොලිසිය සැක පළකරයි.

වෛද්‍ය සිසුවෙකු සිය අධ්‍යයන කටයුතු පිණිස භාවිත කිරීමට මෙම මිනිස් ඇට කටු යොදා ගැනීමට ඇති බවට සැකයක් ඇති බවත් පරීක්ෂණවලදී අනාවරණය වී තිබේ.

සිද්ධිය සම්බන්ධයෙන් මාදම්පේ පොලිසිය වැඩිදුර පරීක්ෂණ පවත්වයි.