(දිනේෂ් උපේන්ද්‍ර)                                                                                 
            
කටුපොත අලහිටියාව විහාරස්ථානයේ පිහිටුවා තිබූ අඩි 3ට ආසන්න බුදු පිළිමයක් කඩා දැමූ පුද්ගලයකු කුලියාපිටිය අධිකරණයට ඉදිරිපත් කිරීමෙන් අනතුරුව අපේ‍්‍රල් මස 03 දක්වා රක්‍ෂිත බන්ධනාගාර ගතකරන ලෙසට කුලියාපිටිය මහේස්ත‍්‍රාත් ජනනි එස් විජේතුංග මහත්මිය නියම කළාය.
            
සැකකරු වයස අවුරුදු 35ක පමණ පුද්ගලයෙකි.
 
එදිනට සැකකරු හඳුනාගැනීමේ පෙරට්ටුවකටද ඉදිරිපත්කිරීමට නියමිතව තිබිණි.
            
කටුපොත පොලිසිය සැකකරු බී වාර්තාවක් මගින් ඉදිරිපත් කරමින් මෙය 2007 අංක 56 දරණ සිවිල් හා දේශපාලන අයිතිවාසිකම් පිළිබඳව ජාත්‍යන්තර සම්මුති පනත අනුව වරදක් බව අධිකරණයට කරුණු දැක්වීය. අදාළ පනත අනුව ඇප සම්බන්ධව මහේස්ත‍්‍රාත් අධිකරණයට බලතල පැවරී නැති බව පවසමින් සැකකරු රක්‍ෂිත බන්ධනාගාරගත කිරීමට නියම විය.
            
කටුපොත පොලිස් ස්ථානාධිපති පොලිස් පරීක්‍ෂක රත්නායක මහතාගේ උපදෙස් මත සැකකරු මුහුණු ආවරණ සහිතව අධිකරණයට ඉදිරිපත්කර තිබිණ.