(බිමල් ශ්‍යාමන් ජයසිංහ)

පන්නිපිටිය ගුවන් පාලම අසලදී බස් රථයකට යට වීමෙන් යතුර පැදියක ගමන් ගත් කාන්තාවක මියගොස් තවත් දෙදෙනෙකු බරපතල තුවාල ලබා රෝහල් ගත කර ඇතැයි මහරගම පොලිසිය කියයි.

මෙසේ අනතුරට ලක්ව ඇත්තේ එකම පවුලේ මව , පියා සහ කුඩා දරුවෙකි.

අනතුරින් මියගොස් ඇත්තේ හෝමාගම ප්‍රදේශයේ පදිංචිව සිටි 36 හැවිරිදි කාන්තාවක් බව පොලිසිය පැවසීය.

බරපතල තුවාල ලැබූ පියා සහ අවුරුදු හයක් වයසැති කුඩා දරුවා ශ්‍රී ජයවර්ධනපුර රෝහලට ඇතුළත් කළ බව පොලිසිය කියයි.

මව පියා සහ කුඩා දරුවා යතුරු පැදියෙන් පන්නිපියේ සිට තලවතුගොඩ දෙසට යමින් සිටියදී  එම දිශාවටම ධාවනය වූ බස් රථයකට යටවී මෙම අනතුර සිදුවී ඇතැයි පොලිසිය පැවසීය.

බස් රථ රියදුරු අත්අඩංගුවට ගෙන ඇති අතර ඔහු නුගේගොඩ මහේස්ත්‍රාත් අධිකරණයට ඉදිරිපත් කිරීමට නියමිත බව පොලිසිය පැවසීය.