(පුෂ්පකුමාර මල්ලවආරච්චි) 

බලපත්‍ර රහිතව බෝර 12 තුවක්කුවක් ළඟ තබාගත් අයෙකු අද(13) සැකපිට අත්අඩංගුවට ගත් බව මීරිගම පොලිසිය කියයි.

මෙසේ අත්අඩංගුවට ගෙන ඇත්තේ හල්පේ කහටගොල්ලවත්ත නැමති ඉඩමක මුරකරුවූ 39 හැවිරිදි දෙදරු පියෙකි.

සැකකරු වසර අටක පමණ කාලයක සිට රබර් ඉඩමක මුරකරුවකු ලෙස සේවය කර ඇතැයිද හෙළි වී තිබේ.

සැකකරු බෝර 12 තුවක්කුව හා උණ්ඩ සපයාගෙන දඩයමේ යෙදී ඇති බවට පොලිසිය කරුණු අනාවරණය කරගෙන තිබේ. දඩයම වැරදී නරියෙකුට වෙඩි වැදී ඇති අතර, ඉන් අනතුරුව මෙම ගිනි අවිය පිළිබඳව  පොලිස් විශේෂ කාර්යාංශයට තොරතුරු ලැබීමෙන් පසු නිලධාරීන්  මෙම වැටලීම කර තිබේ.
 
මීරිගම පොලිසිය වැඩිදුර පරීක්ෂණ පවත්වයි.