(සිතුම් චතුරංග)

කිලිනොච්චිය,අක්කරායන්,ස්කන්දපුරම් ප්‍රදේශයේ නිවසක් අසල පිහිටි පොල් ගසක් කඩාවැටීමෙන් ඒ අසල සිටි කුඩා දරුවෙකු අද (08) සවස ජීවිතක්ෂයට පත්ව ඇතැයි අක්කරායන්කුලම පොලිසිය පවසයි.

මිත්තනිය සමඟ දියනාමින් සිටියදී මෙම අනතුර සිදුව ඇති බවත් එහිදී මියගිය දැරියගේ මිත්තනිය තුවාල ලබා කිලිනොච්චිය රෝහල වෙත ඇතුළත් කර ඇති බවත් පොලිසිය සඳහන් කළේය.

මෙම අනතුරින් ජීවිතක්ෂයට පත්ව ඇත්තේ කිලිනොච්චිය , අක්කරායන්කුලම , ස්කන්දපුරම් පදිංචි එස්. තශ්මියා නැමති වයස අවුරුදු එකක ගැහැණු දරුවකු බව පොලිසිය පැවසීය.

පොලිසිය පැවසූයේ වර්ෂාව සහිත කාලගුණික තත්වය හේතුවෙන් නිවස අසල තිබූ පොල් ගසෙහි මුල් ගැලවී තිබී ඇති අතර එය එක්වරම දියනාමින් සිටි දරුවා සහ මිත්තණිය මතට කඩාවැටී ඇති බවත්ය.

අනතුරින් දැරිය එම ස්ථානයේදීම මියගොස් ඇති අතර තුවාල ලබා සිටි මිත්තනිය ප්‍රදේශවාසීන් විසින් කිලිනොච්චිය රෝහල වෙත ඇතුළත් කර තිබේ.