(ජයරත්න වික්‍රමාරච්චි)
සාලියවැව පොලිස් වසමට අයත් සියඹලෑව ප්‍රදේශයේ ඉඩමක ළිඳක් කපන මුවාවෙන් නිධන් හාරමින් සිටි කාන්තාවක ඇතුළු සිව්දෙනෙකු අද(19) අත්අඩංගුවට ගත් බවත් සාලියවැව පොලීසිය කියයි.
අත්අඩංගුවට ගත් කාන්තාව දුම්මලසූරිය ප්‍රදේශයේ පදිංචිකාරියකි. සෙසු සැකකරුවෝ සියඹළෑව, බිංගිරිය හා ආණමඩුව ප්‍රදේශවල පදිංචිකරුවෝ වෙති.
සැකකරුවන් ඉඩමේ අඩි දහයක පමණ ගැඹුරු වළක් කපා ඒ තුළ තවත් අඩි පහක පමණ කුඩා වළක් හාරා තිබූ බවද පොලිසිය පවසයි.
උදලු, යකඩ ඉනි, සවල් ඇතුළු උපකරණ හා පූජා භාණ්ඩ තොගයක් ද කුලී මෝටර් රථයක්ද පොලිසිය බාරයට ගෙන ඇත.
දින කිහිපයක සිට රාත්‍රි කාලයට ඉඩමේ කිසියම් නිධන් හාරන බවට පොලිස් බුද්ධි අංශය ලද තොරතුරක් අනුවම මෙම වැටළීම කළ බව පොලිසිය කියයි.
සැකකරුවන් සමග නඩු භාණ්ඩ පුත්තලම අධිකරණයට ඉදිරිපත් කිරීමට නියමිතය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
