(මනෝජ් හර්ෂික)
 වායුසමනය කළ සුඛෝපභෝගී නවීන බස්රථ 68ක් චීනයන් ආනයනය කිරීම සඳහා ශ්‍රී ලංකා ගමනා ගමන මණ්ඩලය කටයුතු කර ඇත.
 
එහි පළමු පියවර යටතේ චීනයේ ෂියාමෙන් කින්ලොංග් යුනයිටඩ් ඔටෝමෝටිව් ඉන්ඩස්ට්‍රි  සමාගමෙන් ඇණවුම් කළ කින්ග් ලෝන්ග් (Kinglong) සුඛෝපභෝගී නවීන බස්රථ නවය එම සමාගම විසින් මේ වන විට සම්පූර්ණයෙන්ම නිමවා තිබේ.
 
එම බස්රථ ලබන සතිය වන චීනයේ සිට මෙරටට නැව්ගත කිරීමටද නියමිතව ඇති අතර එක් බස්රථයක වටිනාකම රුපියල් මිලියන 17.1කි.
 
මීට පෙර ශ්‍රී ලංකා ගමනා ගමන මණ්ඩලයට ගෙන් වූ ලොරි චැසි යොදාගෙන සකස් කළ බස් රථ වන අතර පොදු ප්‍රවාහන සේවාවක් ලෙස ශ්‍රී ලංගම ඉදිරියට ගෙන යාමට නම් එම ලොරි  චැසි බස්රථ වෙනුවට සුඛෝපභෝගී වායුසමීකරණය කළ නවීන බස්රථ අත්‍යවශ්‍ය බව ප්‍රවාහන අමාත්‍යාංශයේ සඳහන් කරයි.
 
පළමු අදියර යටතේ ගෙන්වන කින්ග් ලෝන්ග් බස් රථ නවය ඩිපෝ හයකට බෙදා දීමට නියමිත අතර මහරගම, මධ්‍යම බස් නැවතුම් කාර්යාල, සහ කටුබැද්ද සුඛෝපභෝගී බස්රථ ඩිපෝවට දෙක බැගින් සහ  පොලොන්නරුව, මාවනැල්ල සහ මාතලේ ඩිපෝවලට එකක් බැගිනි බස් රථ බෙදා දීමට නියමිත ය.
 
චීනයෙන් ආනයන කරන කිංග්ලෝන්ග් බස්රථවල මාදිලිය වන්නේ XMQ 6127 CY වන අතර එහි ආසන සංඛ්‍යාව 51කි. එම බස්රථ නිපදවන Xiamen Kinglong United Automotive Industry සමාගම දැනට අප්‍රිකා, යුරෝපය සහ බටහිර රටවල් ඇතුළු රටවල් 150 අධික ප්‍රමාණයක් සදහා වාර්ෂිකව වැඩිම බස් රථ අපනයන කරන එකම චීන සමාගම ද වේ.