(ජයරත්න වික්‍රමාරච්චි)
 
නවගත්තේගම මොරගහවැව ප්‍රදේශයේ නිවසක් වටලා තුවක්කු දෙකක් සමඟ පුද්ගලයකු අද(17) අත්අඩංගුවට ගත් බව නවගත්තේගම පොලීසිය පැවසීය.
 
කැප් තුවක්කුවක් සහ බඳින තුවක්කුවක් මෙසේ පොලිසිය බාරයට ගෙන ඇත.
 
වන සතුන් දඩයක්කරුවෙකු බව පැවසෙන සැකකරු සන්ත‍කයේ නීති විරෝධී ගිනි අවි තිබෙන බවට පොලිස් බුද්ධි අංශයට ලද තොරතුරකට අනුව මෙම වැටළීම කළ බවත් පොලීසිය සඳහන් කළේය.
 
ඒ අනුව අත් අඩංගුවට ගත් ගිනි අවි සමඟ සැකකරු ආණමඩුව අධිකරණයට ඉදිරිපත් කිරීමට නියමිතය.
 
නවගත්තේගම පොලීසියේ ස්ථානාධිපති පොලිස් පරීක්ෂක නවීන් ඉන්ද්‍රජිත් දයානන්ද මහතා ගේ උපදෙස් මත පොලිස් සැරයන්වරුන් වන (31332) රත්නමලල, ( 24894) රත්නමලල සහ පොලිස් කොස්තාපල්වරු වන ( 86844) අලහකොන් සහ (39027) විජිත යන අය මෙම වැටළීම කළහ.