(රවී ලියනගේ)

තවලම බටහේන සිට පිටිගල දක්වා ධාවනය වෙමින් තිබූ ත්‍රීරෝද රථයක් හතර කනුව වටවිට ඇළ පාලම අසලදී වේගය පාලනය කරගැනීමට නොහැකිව අද (22) අනතුරකට ලක්වීමෙන් තිදරු මවක් මියගොස් තවත් සිව් දෙනෙක් තුවාල ලබා කරාපිටිය සහ හිනිදුම රෝහල්වලට ඇතුළත් කර ඇත.

මියගොස් ඇත්තේ හබරකඩ බටහිර පදිංචි ඩබ්ලිව්.එම්.විනීතා පද්මිණි නමැති 53 හැවිරිදි අය වන අතර ඇයගේ දුව, ලේලිය, රියදුරු, ඔහුගේ බිරිඳ  තුවාල ලබා තිබේ.

කරාපිටිය රෝහලේ තිදෙනෙක් ද  හිනිදුම රෝහලේ එක් අයෙක් ද ප්‍රතිකාර ලබන බව පොලිසිය පවසයි.

අනතුර සිදු වෙනවාත් සමඟම ත්‍රිරෝද රථය ගිනිගෙන ඇති අතර රථය තුළ තිබු පෙට්‍රල් බෝතල් නිසා එම ගිනි ගැනීම සිදුවූවාද යන්න පිළිබඳව පරීක්ෂණ පැවැත්වෙයි. එම ගින්නෙන් රථයේ ගමන් කළ අයද පිලිස්සී තිබේ.