2020 සැප්තැම්බර් මස 27 වන ඉරිදා
(තිළිණි ද සිල්වා)
ජපාන විදේශ කටයුතු අමාත්‍ය මොටෙගි ටොෂිමිට්සු මහතා සහ විදේශ සබඳතා අමාත්‍ය දිනේෂ් ගුණවර්ධන මහතා අතර හමුවක් විදේශ කටයුතු අමාත්‍යාංශයේදී අද (13) පැවැත්වේ.
දෙරට අතර තානාපති සබඳතා වර්ධනය කර ගැනීමේ අරමුණෙන් දෙරටේ අමාත්‍යවරුන් හමුවන අතර අද (13) විදේශ සබඳතා අමාත්‍යාංශයේදී මෙම හමුව පවත්වන බව විදේශ අමාත්‍යාංශය පවසයි.
ශ්‍රී ලංකාව හා ජපානය ද්විපාර්ශවික සබඳතා වර්ධනය කර ගැනීමේ අරමුණෙන් ජපන් විදේශ අමාත්‍යවරයා තෙදින නිල සංචාරයක් සඳහා ඊයේ (12) මෙරටට පැමිණියේය.
නව රජයට සුබ පැතුම් එක්කිරීමට හා ජපානය සහ ශ්‍රී ලංකාව අතර ද්විපාර්ශ්වික සම්බන්ධතා තවදුරටත් ශක්තිමත් කරගැනීමේ අරමුණින් ජපාන විදේශ අමාත්‍යවරයා මෙරටට පැමිණියේ යැයිද ලංකාවේ ජපාන තානාපති කාර්යාලය සඳහන් කර සිටී.
හෙට ( 14 ) දක්වා ලංකාවේ රැඳී සිටින ජපාන විදේශ කටයතු ඇමතිවරයා ජනාධිපති ගෝඨාභය රාජපක්ෂද, අග‍්‍රාමාත්‍ය මහින්ද රාජපක්ෂ මහත්වරුන්ද හමුවී සාකච්ඡා පැවැත්වීමට නියමිතය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
