(රංජිත් රාජපක්ෂ  සහ  ගාමිණී බණ්ඩාර ඉලංගන්තිලක)    
                
මස්කෙළිය පොලිස් වසමට අයත් ස්ට්‍රොක්හොම් වතුයායේ ස්කාබ්‍රෝ කොටසේ වතු නිවාස පේළියක අද (20) හට ගත් ගින්නකින් නිවාස 16 ක් සම්පූර්ණයෙන්ම ගිනිගෙන විනාශ වි ඇති බව මස්කෙළිය පොලිසිය කියයි.
 
එක් නිවසක ගින්න හටගත් බවත් පසුව එය සෙසු නිවාසවලට ද පැතිර ගොස් ඇතිබවත් පොලිසිය පවසයි.
 
නිවාස 28 කින් සමන්විත එම නිවාස පේළියේ පැතිර යමින් තිබූ ගින්න වතු කම්කරුවන් එක් ව දැඩි පරිශ්‍රමයක් දරා පාලනය කිරීමට සමත්ව ඇත.
 
ගින්නෙන් කිසිවෙකුටත් අනතුරක් සිදු වී නොමැත.
 
මේ හේතුවෙන් පවුල් 28 කට අයත් සමාජිකයෝ 150 දෙනෙකු පමණ අවතැන් වී සිටිති.
‍
ගින්නට හේතුව විදුලි කාන්දුවීමක් බවට සැක කරන අතර සිදුවූ හානිය මෙතෙක් තක්සේරු කර නොමැත.
 
මස්කෙළිය පොලිසිය පරික්ෂණ පවත්වයි.

(ඡායාරූප - රංජිත් රාජපක්ෂ)

(ඡායාරූප - ගාමිණී බණ්ඩාර ඉලංගන්තිලක)