(හේමලතා ඩී හේවගේ)                             

දංකොටුව කිරිමැටියාන - පොතුවටවන මාර්ගයේ මඩවලපිටිය මංසන්ධිය ආසන්නයේ පිහිටි විශාල නුග ගසක් මාර්ගය මතට කඩා වැටීමෙන් එම ගස ආසන්නයෙන් ගමන්ගත් පාසල් සිසුවියක් තුවාල ලබා අද (14) මාරවිල මූලික රෝහලට ඇතුළත්කර ඇතිබව කොස්වත්ත පොලිසිය පවසයි.

පොතුවටවන මහා විද්‍යාලයේ 11වන ශ්‍රේණියේ ඉගෙනුම  මෙම සිසුවිය පාසලේ පැවති උපකාරක පන්තියකට සහභාගි වී තවත් සිසුවියන් තිදෙනෙකු සමඟ නිවෙස්බලා යන අතරතුරදී මෙම අනතුර සිදුව ඇතිබව පොලිසිය කියයි.

අධික වර්ෂාවත් සමඟ හමාගිය දැඩි සුළං තත්වය හේතුවෙන් උතුරු හාල්දඩුවන සහ බටහිර කහටවිල ග්‍රාම සේවා වසම් තුළ නිවාස පහකට හා දේපලවලට අර්ධහානි  සහ අතුරු ප‍්‍රධාන මාර්ග කිහිපයක් මතට ගස්කඩා වැටී ඇතිබව දංකොටුව ප‍්‍රාදේශීය ලේකම් ඩිලාන් ගුණරත්න මහතා පැවසීය.     

මේ හේතුවෙන් එම මාර්ගවල ගමනා ගමනයද සම්පූර්ණයෙන්ම ඇණහිටි ඇති බව පොලිසිය පැවසීය.

කොස්වත්ත පොලිසිය සහ ප‍්‍රදේශවාසින් මාර්ගවලට කඩා වැටී ඇති ගස් ඉවත්කිරීමේ වැඩකටයුතු ආරම්භ කර ඇති බව පොලිසිය කීය.