(ලලිත් නවරත්න)
 
ආරච්චිකට්ටුව අත්තංගනය ප‍්‍රදේශයේ අයියනන්කට්ටුව වැව අසළ ඉඩමක ගවයන් සහ එළ ගවයන් අටදෙනෙකු පටවා ප‍්‍රවාහනය කිරීමට සූදානම්ව තිබූ කුඩා ලොරි රථයක් පුද්ගලයින් 5දෙනෙකු සමඟ අද(14) අත්අඩංගුවට ගත් බව ආරච්චිකට්ටුව පොලීසිය පවසයි.

සැකරුවන් අතර මුස්ලිම් ජාතිකයින් තිදෙනෙකු සහ සිංහල ජාතිකයින් දෙදෙනෙකු වන බව පොලිසිය කියයි.

සත්ව හිංසනය සිදුවන ආකාරයෙන් කුඩා ලොරි රථය තුළ මෙම ගවයන් බැඳ දමා තිබූ බවද පොලිසිය වැඩිදුරටත් කියයි.
 
මෙම පිරිස දීර්ඝ කාලයක සිට විවිධ ප‍්‍රදේශවලින් ගවයන් මිලට ගෙන මදවක්කුලම ප‍්‍රදේශයේ ගව ඝාතකාගාරයක් වෙත ප‍්‍රවාහනය කරන බවට තොරතුරු හෙළි වී ඇත.

සැකකරුවන් සහ ගවයින් සහිත ලොරි රථය අධිකරණයට ඉදිරිපත් කිරීමට නියමිතය.