(ඩබ්.ඒ පියතිලක)

හිගුරක්ගොඩ ගිරිතලේ ජනපදයේ නිවසක පවත්වාගෙන ගිය ගංජා බෙදා හැරිමේ මධ්‍යස්ථානයක් වැටලීමට හැකි වූ බව පොලොන්නරුව කොට්ඨාස මත්ද්‍රව්‍ය වැටලීම් ඒකකයේ නිලධාරියෙක් පැවසීය.

වැටලීමේදී පුද්ගලයින් 06 දෙනෙකු, කේරල ගංජා ග්‍රෑම් 500 ක් , ත්‍රිරෝද රථ දෙකක්  සහ යතුරු පැදි 03 ක් අත්අඩංගුවට ගෙන තිබේ.

පොලොන්නරුව , අරලගංවිල, වැලිකන්ද, මැදිරිගිරිය , හිගුරක්ගොඩ  සහ මින්නේරිය යන ප්‍රදේශවලට ගංජා බෙදාහරින මධ්‍යස්ථානය මෙය බව පොලිසිය පැවසීය.

වැටලීම සිදුකරන අවස්ථාවේ විවිධ ප්‍රදේශවලින්  ගංජා රැගෙන යාම සඳහා පැමිණි පුද්ගලයින් 05 දෙනෙකු ද අත්අඩංගුවට පත්ව තිබේ.