(දියතලාව - ඩී.කේ.රත්න)

වැල්ලවාය හම්බෙගමුව උණකන්ද ප්‍රදේශයේ හේන්යායක ගංජා පාර්සල් කරමින් සිටි පුද්ගලයින් 4 දෙනෙකු ගංජා කිලෝ ග්‍රෑම් 206 ක් සමග අද (27) පොලිස් මත් ද්‍රව්‍ය කාර්යාංශයේ (නාකොටික්) නිලධාරීන් විසින් අත්අඩංගුවට ගෙන ඇතැයි හම්බෙගමුව පොලීසිය පැවසීය.

ඇඹිලිපිටිය මිද්දෙනිය පදිංචි වයස අවුරුදු 36 , 37 , 32 වන තිදෙනෙකු සහ වැල්ලවාය කුඩාඔය පදංචි වයස අවුරුදු 50ක පුද්ගලයෙකු මෙම ගංජා තොගයත් සමග අත්අඩංගුවට ගෙන තිබේ.

පොලිස් මත් ද්‍රව්‍ය කාර්යංශයේ (නාකොටික් ) නිලධාරීන්ට ලැබුණු තොරතුරකට අනුව සිදු කළ විශේෂ වැටලීමකදී මෙම පුද්ගලයින් අත්අඩංගුවට ගෙන ඇත.

අත්අඩංගුවට ගනු ලැබූ පුද්ගලයින් වැල්ලවාය මහේස්ත්‍රාත් අධිකරණයට ඉදිරිපත් කිරීම සඳහා හම්බෙගමුව පොලිසියට බාරදී තිබේ.

හබ්බෙගමුව පොලිස් ස්ථානාධිපති ප්‍රධාන පොලිස් පරීක්ෂක ඩී.එම්.විජේසුන්දර මහතාගේ උපදෙස් පරිදි හම්බෙගමුව පොලිස් නිලධාරීහු මේ පිළිබඳව පරීක්ෂණ සිදු කරති.