(බිමල් ශ්‍යාමන් ජයසිංහ)
 

කොළඹ ජාතික රෝහලේ ගිලන් රථ ගාලේදී අද(16) නාඳුනන පුද්ගලයකු පානදුර මූලික රෝහලේ ගිලන් රථ රියැදුරකුට පහර දී ඇතැයි මරදාන පොලිසිය කියයි.
 
පහරකෑමෙන් තුවාල ලද ගිලන් රථ රියැදුරු ජාතික රෝහලේ අංක 72 වාට්ටුවේ ප්‍රතිකාර ලබන බව පොලිසිය පවසයි.
 
හෘද රෝගියකු රැගෙන කොළඹ ජාතික රෝහලට පැමිණ තිබූ ගිලන් රථ රියැදුරු එම රෝගියා පරීක්ෂා කරමින් ජාතික රෝහලේ ගිලන් රථ සඳහා වෙන්කර ඇති රථගාලේ නවතා තිබියදී මෙසේ පහරකෑමට ලක්ව ඇතැයි පොලිසිය කියයි.
 
රථගාලේ ගිලන් රථය නවතා එයින් බැස මදදුරක් යාමේදී ඔහුට කථා කර ඇති පුද්ගලයකු පරුෂ වචනයෙන් බැණ වැදී ගිලන් රථය එම ස්ථානයෙන් ඉවත් කරගන්නා ලෙස තර්ජනය කර ඇතැයි පොලිසිය කියයි. ගිලන් රථය මදක් ඉවත් කිරීමත් සමග වෑන් රථ රියැදුරු සිය රථය ගිලන් රථයේ ගැටීමට සලස්වා ඇත. පසුව එයින් බැස රියදුරුට පහර දී සිය වෑන් රථයේ නැගී පිටව ගොස් ඇතැයි පොලිසිය කියයි.
 
මරදාන පොලිසිය පරීක්ෂණ පවත්වයි.