(රොමේෂ් මධුෂංඛ)
උතුරු මුහුදු තීරයේ නාවික හමුදාව විසින් සිදු කරන ලද සෝදිසි මෙහෙයුම් වලදී රුපියල් කෝටියකට ආසන්න වටිනාකමකින් යුත් කේරල ගංජා කිලෝ 79 ග්‍රෑම් 300ක් ක් සමඟ සැකකරුවන් දෙදෙනෙකු අත්අඩංගුවට ගත් බවට නාවික හමුදාව පවසයි.
උතුරු මුහුදේ යාපනය වෙත්තලකේනි ප්‍රදේශයේ දී උතුරු නාවික විධානයට අයත් නාවික හමුදා සෙබලුන් පිරිසක් විසින් සෝදිසි මෙහෙයුමක නිරත වෙමින් සිටියදී ධීවරයින් ලෙස ඩිංගි යාත්‍රාවකින් අදාළ කේරල ගංජා තොගය උතුරු මුහුදු සීමාවට රැගෙන එමින් සිටියදී නාවික හමුදා අත්අඩංගුවට පත්ව ඇත.
එම ඩිංගි යාත්‍රාවේ ධීවර ආම්පන්න ද තිබී ඇති අතර ඉන්දියාවේ සිට අදාළ කේරල ගංජා තොගය උතුරු මුහුදට රැගෙන එන්නට ඇති බවට නාවික හමුදාව සැක පළ කරයි.
අත්අඩංගුවට ගත් සැකකරුවන් දෙදෙනා සහ කේරල ගංජා තොගය වැඩිදුර පරික්ෂණ කටයුතු සඳහා යාපනය සහකාර ධීවර පරික්ෂක කාර්යාලය වෙතට බාර දීමට නාවික හමුදාව පියවර ගෙන ඇත.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
