(ඩී.කේ.රත්න)

තණමල්විල කුඩාඔය කමාන්ඩෝ පුහුණු පාසලේ ලාන්ස් කෝප්‍රල්වරයෙකු කඳවුර ආසන්න කැලෑවේ කැලෑ සටන් පුහුණුවෙමින් සිටියදී අද(21) වන අලියකු පහරදීමෙන් ඔහු බරපතල තුවාල ලබා ඇතැයි කුඩාඔය පොලිසිය කියයි.
 
තුවාල ලබා ඇත්තේ අවුරුදු 24ක ලාන්ස් කෝප්‍රල්වරයෙකි.
 
තුවාල ලැබූ ලාන්ස් කෝප්‍රල්වරයා තණමල්විල දිසා රෝහලට ඇතුළත් කිරීමෙන් පසු හම්බන්තොට මූලික රෝහලට මාරුකර යවා ඇත.
 
කමාන්ඩෝ සෙබළුන් කඳවුර ආසන්න කැලෑවේ කැලෑ සටන් පුහුණුවෙමින් සිටියදී එම ප්‍රදේශයට පැමිණි වන අලියෙකු මෙම පහරදීම කර තිබේ.
 
කුඩාඔය පොලීසියේ නිලධාරීහු මේ පිළිබඳව පරීක්ෂණ පවත්වති.