(අනීෂා මානගේ)
 
කතරගම කරවිලේ ප්‍රදේශයේ තිබූ කංසා හේනක් වටලා, ගිනි අවියක්ද සමඟ සැකකරුවකු අද(11) අත්අඩංගුවට ගත් බව තංගල්ල කොට්ඨාස අපරාධ විමර්ශන ඒකකයේ නිලධාරීහු පවසති.
 
අත්අඩංගුවට පත්ව ඇත්තේ සෙල්ලකතරගම ප්‍රදේශයේ පදිංචි 42 හැවිරිදි අයෙකි.
 
කතරගම කරවිලේ අඩවි වන කාර්යාලයේ සිට කිලෝමීටර තුනක් පමණ දුරින් මහ වනය මැද වගා කළ අක්කර කාලක පමණ කංසා හේනක් මෙලෙස වටලනු ලැබීය.
 
අඩි හතරක් පමණ උසින් වැඩී තිබූ කංසා ශාක විශාල ප්‍රමාණයක් ගලවා විනාශ කිරීමට නිලධාරීහු සමත් වූහ.
 
අත්අඩංගුවට ගත් සැකකරු සහ ගිනිඅවිය වැඩිදුර පරීක්ෂණ සඳහා කතරගම පොලිස් ස්ථානයට බාර දී තිබේ.