(ඩී.කේ.රත්න)
 
තණමල්විල බලහරුව ප‍්‍රදේශයේ රක්ෂිතයක එළවළු වගා කරන මුවාවෙන් කංසා වගා කළ පුද්ගලයෙකු අද (13) කංසා පැළ 1500 ක් සමග උඩවලව පොලිස් විශේෂ කාර්ය බලකායේ නිලධාරීන් අත්අඩංගුවට ගෙන ඇතැයි තණමල්විල පොලීසිය පවසයි.
 
වැල්ලවාය පාර බලහරුව පදිංචි 31 හැවිරිදි පුද්ගලයෙකු මෙම කංසා පැළ සමඟ පොලිසිය අත්අඩංගුවට ගෙන ඇත.
 
උඩවලව පොලිස් විශේෂ කාර්ය බලකායේ නිලධාරීන් විසින් මෙම කංසා හේන වටලන අවස්ථාවේදී අඩි හතරක් පමණ උසට කංසා ගස් වැවී තිබූ බව පොලීසිය කියයි.
 
අත්අඩංගුවට ගත් පුද්ගලයා සහ කංසා තොගය වැල්ලවාය මහේස්ත‍්‍රාත් අධිකරණයට ඉදිරිපත් කිරීමට තණමල්විල පොලීසියට බාරදී තිබේ.