(බී.ජී. අමරසිංහ සහ ඩී.ජේ. විජේසිංහ)

ඉල්ලීම් කිහිපයක් මුල්කර ගනිමින් ඇල්පිටිය ඩිපෝවේ සියලුම සේවකයෝ අද (16) වැඩවර්ජනයක නිරතවූහ.

බස් ධාවනයෙන් ඉවත් වූ සේවකයින් ඇල්පිටිය ඩිපෝව ඉදිරිපිට විරෝධතාවයක් ද පැවැත්වූහ.

ශී‍්‍ර ලංකා නිදහස් සේවක සංගමය සංවිධානය කරනු ලැබූ මෙම වැඩ වර්ජනයට ජනතා විමුක්ති පෙරමුණට සම්බන්ධ වෘත්තීය සමිතියක් ද සහයෝගය දක්වා තිබේ.

කෙසේ වෙතත් ශී‍්‍ර ලංකා පොදු ජන පෙරමුණට සම්බන්ධ වෘත්තීය සමිතිය මෙම වර්ජනයට එක්ව නොමැති බවද කියති.

වැඩි කළ රුපියල් 2500 ක මුදල ලබා දෙන ලෙස හා තවත් ඉල්ලීම් රැසක් මුල්කර ගනිමින් බස් රථ 25 ක් හා රියැදුරු මහතුන් හා කොන්දොස්තර මහතුන්  මෙම වැඩ වර්ජනය සඳහා එක්ව සිටි අතර මේ වන විට ධාවනය සඳහා ඇල්පිටියෙන් පිටත්ව ඇති බස් රථ කිහිපයක්ද නැවත ගෙන්වා ගැනීමට කටයුතු කරමින් සිටින බවද කියති.

හෙට දිනය වන විට තම ඉල්ලීම් සඳහා යහපත් ප‍්‍රතිචාරයක් නොදක්වන්නේ නම් අඛණ්ඩ වැඩ වර්ජනයක් පවත්වන බවද සේවකයෝ පවසති.