(කේෂර ගුණතිලක)
මොනරාගල කුඹුක්කන් ඔය ව්යාපාරය කඩිනමින් ආරම්භ කර වෙල්ලස්සේ ගොවිබිම් සරුබිම් බවට පත්කර ප්රදේශයේ ගොවිජනතාවගේ ආර්ථිකය ශක්තිමත් කිරීමට කටයුතු කරන බව නව ප්රජාතන්ත්රවාදී පෙරමුණේ ජනාධිපති අපේක්ෂක සජිත් ප්රේමදාස මහතා අද (13) මොනරාගලදී පැවති ජනාධිපතිවරණ මැතිවරණ රැළියක් අමතමින් පැවසීය.
රාජ්ය පරිපාලන හා ආපදා කළමනාකරණ ඇමති රංජිත් මද්දුම බණ්ඩාර මහතා සංවිධානය කර තිබූ මෙම රැස්වීමට විශාල ජනතාවක් සහභාගි වී සිටියහ.
සජිත් ප්රේමදාස මහතා මෙසේද පැවසීය.
‘‘නොවැම්බර් දහසය වැනිදා මම මේ රටේ ජනාධිපති බවට පත්වීමෙන් පසු රටේ කෘෂිකාර්මික විප්ලවයක් ඇති කරනවා. සියලුම වගාවන්ට නොමිලේ පොහොර ලබාදී වී කිලෝවක් සඳහා අවම වශයෙන් රුපියල් පනහක් ලබාදෙන අතර ගම්මිරිස් වලටද සහතික මිලක් ලබාදෙනවා.
ගම්මිරිස් ප්රතිඅපනයනය සම්පූර්ණයෙන්ම තහනම් කරනවා. සුළු අපනයන බෝග වැඩි දියුණු කිරීම සඳහා වෙනම අධිකාරියක් පිහිටුවා කුරුඳු,ගම්මිරිස් කරාබු වැනි වගාවන් සුරක්ෂිත කරනවා.
මගේ රජය යටතේ ගොවිජනතාවගේ ආර්ථිකය ශක්තිමත් කොට ඔවුන්ගේ දුගී දුප්පත් භාවය නැත්තටම නැතිකිරීමට පියවර ගන්නවා.
සජිත්ගේ දේශපාලනයේ ඉටුකළ නොහැකි පොරොන්දු නැත.ඇතැම් අය පවසනවා සජිත්ගේ තියෙන්නේ පොරොන්දු දේශපාලනයක් කියලා. මම පොරොන්දු දෙන්නේ ඉටුකර හැකිනම් පමණයි.ඇතැම් අය විමසනවා සජිත්ට ඔය කියන දේවල් දෙන්න සල්ලි කොහෙන්ද කියලා.නෙළුම් කුළුණ, නෙළුම් පොකුණ හදන්න සල්ලි වියදම් කරන්න පුළුවන් වුණා නම් පාසල් දරුවන්ට නිල ඇඳුම් කට්ටල දෙකක් දෙන්න,සපත්තු කුට්ටමක් දෙන්න,දිවා ආහාරය දෙන්න මුදල් හොයාගන්න බැරි ඇයි.අනවශ්ය වියදම් නතර කිරීමෙන් පුළුවන් ජනතාවට සහන දෙන්න.
සියලුම අමාත්යාංශවල රජයේ කාර්යාලවල නාස්තිකාර වියදම් සම්පූර්ණයෙන්ම මම නතර කරනවා.දේශපාලනඥයන්ට දෙන වාහන පෝමිට් නතර කරනවා. දෙපාර්තමේන්තුවලට අලුත් වාහන ගෙන්වීමත් නතර කරනවා.ඒ සඳහා යන මුදල් වලින් තමයි පොදු ජනතාවට අවශ්ය සහන ලබාදෙන්නේ.
දහසය වෙනිදායින් පසුව පාලකයින් දුක් විඳින පොදු ජනතාව සැප විඳින යුගයක් උදා කරනවා.මට වෙඩි වදින,වෙඩි නොවදින වාහන අවශ්ය නෑ.මම පරිහරණය කරන්නේ මට අයත් පෞද්ගලික වාහනයක් පමණයි.මට මන්දිර අවශ්ය නැහැ.රජයේ වියදම් හැකිතාක් දුරට අඩු කොට මුදල් අරපිරිමැස්මෙන් යුතුව පරිහරණය කරමින් තමයි රටක් ගොඩනැගිය හැක්කේ.
දුප්පත්කම තුරන්කොට සමෘද්ධිය වැඩිකොට ජනතාවට අවශ්ය සේවාවන් ලබාදීම මගේ එකම අරමුණයි. ජන සවිය යටතේ රුපියල් විසිපන්දහස සංකල්පය මම යළිත් ආරම්භ කරනවා.
මොනරාගල දිස්ත්රික්කයේ සෑම ප්රාදේශීය ලේකම් කොට්ඨාසයකම කර්මාන්තශාලාවක් ආරම්භ කොට ගමේ තරුණ තරුණියන්ට ගමේ ඉඳන්ම රැකියාවලට යාමේ අවස්ථාව ලබාදෙනවා. වැල්ලවායේ කුකුරම්පොළ ප්රදේශයේ තිබෙන යපස් නිධිය තුළින් නව කර්මාන්තශාලාවක් ආරම්භ කරනවා.
ඒ තුළින් බලාපොරොත්තු වන්නේ ප්රදේශයේ තරුණ තරුණියන්ට රැකියා අවස්ථා ලබාදෙනවා.
ජනතාවගේ අතමිට සරුකොට දුප්පත්කම තුරන්කොට සමෘද්ධිමත් රටක් ගොඩනැගීම මගේ එකම අරමුණයි.
මම සමාජසේවා කටයුතු පටන් ගත්තේ පෙර පාසල් තුලින්.අපේ රටේ නිදහස් අධ්යාපනය ක්රියාත්මක වන්නේ පළමු වසරේ සිටයි.නමුත් වියයුත්තේ පෙරපාසල් මට්ටමින් නිදහස් අධ්යාපනය ක්රියාත්මක කිරීමයි.
මම ජනාධිපති වීමෙන් පසු දිවයින පුරා පිහිටි දහනවදහසකට ආසන්න පෙර පාසල් වල සේවය කරන පෙරපාසල් ගුරුවරියන්ට හා සහායකවරියන්ට රජයේ වැටුප් ලබාදෙනවා.
අවශ්ය ගොඩනැගිලි හා උපකරණ,ළමා උද්යාන ලබාදෙනවා.පෙර පාසල් දරුවන්ට දිවා ආහාරයද ලබාදීමට පියවර ගන්නවා. පාසලෙන්ම දරුවාට දරුවාගේ අනාගතය තීරණය වන පසුබිමක් ඇති කළ යුතුයි.
රණසිංහ ප්රේමදාස ජනාධිපතිතුමා විසින් ඌව වෙල්ලස්සට ලබාදුන් විශ්වවිද්යාල පීඨය මම නැවත ලබාදෙනවා.එහි දැනට පිහිටා ඇති යුධහමුදා අභ්යාස විද්යාලයට අගතියක්වීමට ඉඩ තබන්නේ නැහැ.ඌව වෙල්ලස්ස විශ්වවිද්යාලය අංගසම්පූර්ණ විශ්වවිද්යාලයක් බවට පත්කොට එහි අධ්යාපන කටයුතු වැඩිදියුණු කිරීමට පියවර ගන්නවා. එම රැස්වීම් අමතා රාජ්ය පරිපාලන ආපදා කළමනාකරණ හා පශුසම්පත් ඇමති රංජිත් මද්දුම බණ්ඩාර, නියෝජ්ය කතානායක ආනන්ද කුමාරසිරි,මොනරාගල දිස්ත්රික් පාර්ලිමේන්තු මන්ත්රී ගාමිණී විජිත් විජයමුණි සොයිසා,හිටපු අමාත්ය මර්වින් සිල්වා යන මහත්වරුන් ද කතා කළහ.
මෙහිදී ශ්රී ලංකා නිදහස් පක්ෂයේ ප්රබල ආධාරකරුවන් රැසක් සජිත් ප්රේමදාස මහතා හමුවී සහයෝගය පළ කර සිටියහ.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘16 වැනිදා ජනාධිපති වීමෙන් පසු රටේ කෘෂිකාර්මික විප්ලවයක් ඇති කරනවා‘‘