(*** අංජුල මහික වීරරත්න)
සුරක්ෂිත රටක් - විනයගරුක, ගුණවත්ව, නීත්යානුකූල සමාජයක් ගොඩ නැගීම සඳහා වන බව සඳහන් කරමින් ජනාධිපති කාර්ය සාධන බළකාය පත්කර ඇත්තේ පිළිගත් ක්රමවේදවලට පටහැනි ආකාරයට බව එක්සත් ජාතික පක්ෂ මහ ලේකම් අකිල විරාජ් කාරියවසම් මහතා නිවේදනය නිකුත් කරමින් සඳහන් කර සිටී.
කාර්ය සාධන බළකායේ සංයුතිය හමුදා සාමාජිකයන්ගෙන් යුක්තව මිලිටරිකරණයකට ලක් කර තිබීම ගැටලුවක් බවද ඔහු කියයි.
මහ ලේකම් අකිල විරාජ් කාරියවසම් මහතාගේ නිවේදනයේ මෙසේද සඳහන්වෙයි.
ජනාධිපති ගෝඨාභය රාජපක්ෂ මහතා විසින් 2020 ජුනි 02 වැනිදා නිකුත් කළ 2178/18 දරන ගැසට් නිවේදනය මගින් ස්ථාපිත කළ ‘සුරක්ෂිත රටක්, විනයගරුක, ගුණවත් හා නීත්යානුකූල සමාජයක් ගොඩනැගීම සඳහා වන ජනාධිපති කාර්ය සාධන බලකාය’ පිළිබඳව එක්සත් ජාතික පක්ෂයේ දැඩි අවධානයට ලක්විය.
මෙම කාර්ය සාධන බළකායේ අරමුණ රට තුළ කෙරෙන නීති විරෝධී මත්ද්රව්ය වෙළෙඳාම සහ ව්යාප්තිය මර්දනය කරමින් දරුවන් ප්රමුඛ සමාජය ආරක්ෂා කරගැනීම, සමාජයේ ගුණගරුක බව සහ විනය ඇති කිරීම ආදිය බව ප්රකාශ කර තිබේ.
එහෙත් මෙවැනි සමාජ සංවේදී කාර්යය සාධන බළකාය සම්පූර්ණයෙන්ම හමුදා නිලධාරීන්ගේ පාලනයට නතු කරමින් එය මිලිටරිකරණයට ලක් කිරීම පිළිබඳ අපට ඇතිවන්නේ බරපතළ ගැටලුවකි.
වැඩබලන පොලිස්පති සහ නියෝජ්ය පොලිස්පතිවරුන් දෙදෙනකු හැරුණු විට කාර්ය සාධන බළකායේ සංයුතිය සැකසී ඇත්තේ ත්රිවිධ හමුදාවේ විශ්රාමික හෝ දැනට සේවය කරන හෝ සාමාජිකයන්ගෙනි. මෙය සම්පූර්ණයෙන්ම මේ යාන්ත්රණයම හමුදාකරණයට ලක් කිරීමකි.
කාර්ය සාධන බළකායට පොලිස් මත්ද්රව්ය නාශක කොට්ඨාසයේ ප්රධානී, බන්ධනාගාර කොමසාරිස් ජනරාල්, ආගමන විගමන කොමසාරිස් ජනරාල්, නීතිපති, සෞඛ්ය අමාත්යාංශය සහ අන්තරායකර ඖෂධ පාලක මණ්ඩලයද ආදී ආයතන සහ අදාළ ක්ෂේත්රවල විද්වතුන් වැනි පුළුල් පරාසයක උපදේශකත්වය දැනුම ඇති නිලධාරීන් සහ පුද්ගලයන් කාර්ය සාධන බළකායට සම්බන්ධ කර නොගැනීම බරපතළ ගැටලුවකි.
මැතිවරණ කාලපරිච්ඡේදයක් තුළ බලගන්වා ඇති කාර්ය සාධන බළකාය සමාජයේ විශාල පරාස ආවරණය කරමින් ක්රියාත්මක වන මිලිටරි යාන්ත්රණය වීම මගින් ප්රදර්ශනය කරන්නේ ජනාධිපතිවරයා රට තුළ ප්රජාතන්ත්රවාදී සම්මතයන් නොසලකා කටයුතු කර ඇති බවය. යහපත් දෙයක් යයි සමාජයට හුවාදක්වමින් පත් කර ඇති කාර්ය සාධන බළකාය සැබවින්ම ජනතාවගේත් ප්රජාතන්ත්රවාදී අයිතිය, අදහස් ප්රකාශ කිරීමේ අයිතිය ආදී මූලික අයිතිවාසිකම් පවා අභියෝගයට ලක් කළ හැකි තත්ත්වය නිර්මාණය කිරීමේ අවදානම්සහගත එකකි.
මෙරට ආණ්ඩුක්රම ව්යවස්ථාවට අනුව අග්රාමාත්යවරයාට හා අදාළ කැබිනට් අමාත්යවරුන්ට පැවරී ඇති බලතල පවා කාර්ය සාධන බළකාය මගින් අභියෝගයට ලක් කර ඇති අතර සැබවින්ම එම ගැසට් පත්රයේම සඳහන් පරිදි ඔවුන් එලෙස කටයුතු කිරීමට යාමෙන් වන්නේ ‘නීතිය උල්ලංඝනය කරන සමාජ කණ්ඩායම්වල නීති විරෝධී ක්රියාකාරකමක්’ බවට එය පත් වීමය.
එනම් මෙම ජනාධිපති කාර්ය සාධන බළකාය ක්රියාත්මක තලයේදී නීති විරෝධී සමාජ කණ්ඩායම් පත්වීම වැළැක්විය නොහැකිය.
එබැවින් සමාජ ප්රජාතන්ත්රවාදයටත් ආණ්ඩුක්රම ව්යවස්ථාවටත් බලපෑම එල්ල කරන මෙම කාර්ය සාධන බළකායේ සංයුතිය සහ බලතල සංශෝධනය කිරීමටත් එහි කාර්යපථය නිවරැදිව ඉදිරිපත් කිරීමටත් ජනාධිපතිවරයා වහා පියවර ගත යුතුය.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජනාධිපති කාර්ය බළකාය පත්කිරීමේ ක්රමවේදය වැරැදියි