(*** නාලක සංජීව දහනායක)
මැතිවරණ කොමිසම මැතිවරණය සම්බන්ධයෙන් ගත් ක්රියා මාර්ග ගැන සෑහීමකට පත්විය නොහැකි බව ශ්රී ලංකා පොදුජන පෙරමුණේ සභාපති මහාචාර්ය ජී.එල්. පීරිස් මහතා ඊයේ (15) පැවැසීය.
එම ක්රියාමාර්ග අනාගතයට භයානක පූර්වාදර්ශ සපයන බව ද ඔහු කීය.
බත්තරමුල්ල, නෙළුම් මාවතේ පිහිටි ශ්රී ලංකා පොදුජන පෙරමුණු ප්රධාන කාර්යාලයේදී ඊයේ (15) පැවැති මාධ්ය හමුවකට සහභාගිවෙමින් හෙතෙම මේ බව සඳහන් කළේය.
මහාචාර්යවරයා මෙසේද පැවැසීය.
ආණ්ඩුක්රම ව්යවස්ථාව අනුව ද්විත්ව පුරවැසිකම තිබෙන අයකුට මැතිවරණයකට තරග කරන්න බැහැ. නමුත් 19 වැනි ආණ්ඩුක්රම ව්යවස්ථාව අනුව ද්විත්ව පුරවැසිකම තිබෙන අයකුට මැතිවරණ කොමිසමේ සාමාජිකයකු වශයෙන් කටයුතු කරන්න හැකියාව ලැබෙනවා. මේක හරිම පුදුමසහගත තත්ත්වයක්.
මැතිවරණ කොමිසමේ සාමාජික මහාචාර්ය රත්නජීවන් හූල් මහතාගේ ක්රියාකලාප නිසා අපේ පක්ෂයට දැඩි අසාධාරණයක් සිදුවුණා. ඔහුගේ ප්රකාශ නිසා කිසිදු පක්ෂයකට වාසියක් හෝ අවාසියක් සිදුනොවන බව මැතිවරණ කොමිසමේ සභාපතිවරයා සඳහන් කරනවා. ඔහුගේ ප්රකාශ සම්බන්ධයෙන් අපේ පක්ෂයේ මහලේකම්වරයා මැතිවරණ කොමිසමට ලිඛිත පැමිණිල්ලක් ඉදිරිපත් කළා. නමුත් එම පැමිණිල්ල ගැන කිසිම දෙයක් දැනගන්න නැහැ. මේ වැඩ දැක්කම මැතිවරණ කොමිසමේ ඉන්නේ නිලධාරීන්ද?, එහෙමත් නැත්නම් දේශපාලනඥයන්ද? කියන ගැටලුව අපිට මතුවෙනවා.
19 වැනි ආණ්ඩුක්රම ව්යවස්ථා සංශෝධනයට අනුව මැතිවරණ කොමිසමට පත්කරන්න පුළුවන් සාමාජිකයන් තුන්දෙනයි. එහි ගණපූර්ණයත් එච්චරයි. මෙහෙම අද්විතීය තත්ත්වයක් ලෝකයේ කිසිම රටකින් වාර්තාවෙන්නේ නැහැ. මෙහෙම සංයුතියක් හැදුවේ මැතිවරණ කල්දමාගැනීමේ කූඨ අරමුණ ඉටුකර ගන්නයි. මහමැතිවරණය පැවැත්වීමට පෙර ඒ සම්බන්ධයෙන් ලෝක සෞඛ්ය සංවිධානයේ නිර්දේශ ලබාගත යුතු බව කොමිසම පැවසුවා. එය ඉතාම භයානක පූර්වාදර්ශයක්. කොහොම නමුත් මැතිවරණ කොමිසම මැතිවරණ සම්බන්ධයෙන් ගනිපු පියවර ගැන අපිට සෑහීමකට පත්වෙන්න බැහැ. අපි ඒ ගැන දැඩිව අවධානය යොමුකළ යුතුයි. නීතියේ පවතින මේ අඩුපාඩුකම් නිසා දරුණු ප්රතිවිපාක ඇතිවෙමින් තිබෙනවා.
පාස්කු ඉරුදින එල්ලවූ ත්රස්තවාදී ප්රහාරය සම්බන්ධයෙන් විමර්ශන පවත්වන්න රජය කොමිසමක් පත්කළා. එය සත්ය සොයා ගැනීමේ අවංක චේතනාවෙන්ම පත්කළ කොමිසමක්. හිටපු පොලිස්පතිවරයාට චෝදනා රාශියක් එල්ල වෙනවා. මොනදේ වුණත් ඔහු අස්කරන්න බැහැ. අවස්ථානුකූලව වැඩබලන පොලිස්පතිවරයෙක් පත්කිරීම පමණයි කළ හැක්කේ. පාතාලය ගැන හා බන්ධනාගාරය ගැන නොයෙකුත් දේ හෙළිවෙමින් තිබෙනවා. මේවා නිවරැදිවෙන්න නම් නීතියේ යම් යම් සංශෝධන සිදුවිය යුතුයි. මහ මැතිවරණය ජයගෙන රට යථා තත්ත්වයට පත්කරන්නට කටයුතු කරනවා යැයිද ඔහු සඳහන් කළේය.
ශ්රී ලංකා පොදුජන පෙරමුණේ මහලේකම් නීතිඥ සාගර කාරියවසම් හා බදුල්ල දිස්ත්රික් අපේෂක උදිත ලොකුබණ්ඩාර යන මහත්වරුද එහිදී අදහස් දැක්වූහ.
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
අරගලයත් එක්ක අලුත් ජනාධිපතිවරයකු, අලුත් ආණ්ඩුවක් හැදුනා. ශ්රි ලංකා පොදුජන පෙරමුණ හැටියට මේ රටේ ස්ථාවරත්වයක් ඇති කිරීමට අපි එයට සහයෝගය ලබා දුන්නා . එහ
අපේ රට අතිශයින්ම තීරණාත්මක තැනකට ඇවිත් තිබෙනවා. අපේ අත්දැකීම් තුළින්, අපේ ගෙවල්වල, වැඩකරන තැන්වල, සමාජය තුළ අපි කරන අරගලවලින් මේ සමාජය කොච්චර කඩා වැටිල
ඉදිරියේදී පැවැත්වීමට නියමිත මැතිවරණ ඉලක්ක කරගෙන දේශපාලන පක්ෂ මේ දිනවල තමන් ජයග්රහණය කළහොත් රට සහ ආර්ථිකය ගොඩගන්නා ආකාරය පැහැදිලි කරමින් සිටියි. සමග
මෙරට ගොවි ජනතාව විපතට පත්වී ඇති මොහොතක සමගි ජන බලවේගය සතුව ගොවි ජනතාව නගා සිටුවීමට සුවිශේෂී වැඩපිළිවෙළක් තිබෙනවා. එම වැඩපිළිවෙළ හරහා වචනයේ පරිසමාප්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඡන්ද කොමිසමේ ඇතැම් ක්රියාමාර්ග භයානක පූර්වාදර්ශයක්
Rohana Tuesday, 16 June 2020 12:02 PM
මැතිවරණ කොමිසමේ අඩුපාඩු හොයන්න කලින් තමුන්ගේ වැඩක් බලාගෙන පැත්තකට වෙලා හිටියොත් නරකද?