(අංජුල මහික වීරරත්න )
 
පොහොට්ටුවේ  කල්ලිය තේරීම් කාරක සභාවට සහභාගී වන්නේ නැතැයි පැවසීමෙන්ම ඔවුන්ගේ  දේශපාලන කුහකත්වය  මනාව පැහැදිලි වන බව එක්සත් ජාතික පක්ෂයේ පාර්ලිමේන්තු මන්ත්‍රී කාවින්ද අභයවර්ධන මහතා පැවසීය.
 
රිෂාඩ් බදියුදීන් මහතාට එල්ලවී  ඇති චෝදනා ඉතා හොදින් විමර්ශනයට ලක් කර  එහිදී  වැරදි නිවැරදි බව  තෝරා බේරාගත  හැකි හොඳම තේරීම්කාරක සභාව කී  බව කී  මන්ත්‍රීවරයා එවැනි අවස්ථාවක් ප්‍රතික්ෂේප කිරීම ප්‍රජාතන්ත්‍ර විරෝධි ක්‍රියාවක් බවද සඳහන් කළේය.
 
බොරු විශ්වාසභංග වලින් සැබෑ ප්‍රජාතන්ත්‍රවාදය මර්දනය කළ නොහැකි බවද මන්ත්‍රීවරයා කීවේය.
 
කොළඹ අරලියගහ මන්දිරයේ පැවැති මාධ්‍ය හමුවකදී ඒ මහතා මේ බව සඳහන් කළේය.