IMG-LOGO

2025 ජුලි මස 12 වන සෙනසුරාදා


හාල් මාෆියාව නැතිකරන්න ජනපතිට පුළුවන්

(බිඟුන් මේනක ගමගේ) 

හාල් මිල ඉහළ යාමෙහි ඇත්තේ මෝල් හිමියන්ගේ මාෆියාවක් යැයි ද ගෝඨාභය රාජපක්ෂ මහතාට එය එක පෑන් පහරින් වැලැක්විය හැකි යැයි ද ජවිපෙ මාතර දිස්ත්‍රික් පාර්ලිමේන්තු මන්ත්‍රී සුනිල් හඳුන්නෙත්ති මහතා ‘ලංකාදීප’ යට අද(18) කීය.

පසුගිය කාලයේ පැවැති ආණ්ඩුවේ කොටස්කරුවන් හැටියට කටයුතු කළ ඔවුන් විසින් ලංකාවට සහල් ගෙන්වන මිලත් කාලයත් තීරණය කරනු ලැබුවේ යැයි හඳුන්නෙත්ති මහතා චෝදනා කළේය.

මේ වනවිට රටෙහි වී මෙට්‍රි ටොන් ලක්ෂ පහලොවකට වඩා තිබුණත් එයින් ලක්ෂ දහතුනකට වඩා තිබෙන්නේ අතේ ඇඟිලි ගනණටත් වඩා අඩු මෙම වී මෝල්හිමියන් කීප දෙනා සන්තකයෙහි යැයි කී හෙතෙම මෙම මාෆියාව කොන්දේසි විරහිතව බිඳදැමිය යුතු යැයි ද අවධාරණය කළේය.

සහල් අධික මිල ගණන්වලට විකිණෙන්නේ පාරිභෝගික අධිකාරියෙන් උපරිම සහල් මිලක් නියම කර තිබෙද්දී යැයි ද රජය ඊට වහා මැදිහත් විය යුතු යැයි ද හඳුන්නෙත්ති මහතා කීවේය.

මෙතෙක් රට පාලනය කළ කිසිදු රජයකට කෘෂිකර්මාන්තය පිළිබඳ වගා සැලසුමක් නැතැයි ඒ ඒ කන්නයේ වගා කළයුතු බෝග වර්ග මොනවාද ඒවා පාරිභෝජනය කරන පාරිභෝගිකයන්ට ප්‍රමාණවත්ද, අතිරික්තයක් තිබෙනවාද අවශ්‍ය ප්‍රමාණයට සරිලන සේ නිෂ්පාදනය කරන්නේ කෙසේදැයි නිසි කළමනාකරණයක් නොතිබුණේ යැයි ද මන්ත්‍රීවරයා කීවේය.

මෙසේ වගා සැලසුමක් නොතිබීම එළවළු මිල ඉහළ යාමට සෘජුවම බලපා ඇතැයි ද වර්තමානයේ මිල ගණන් ඉහළ ගොස් ඇති එළවළු තවත් මාස කීපයකින් විකුණාගත නොහැකිව කුණු වීමේ අවදානමක් ද ඇතැයි හඳුන්නෙත්ති මහතා කීය.

මේ වනවිට වැඩි මිලක් ලබාගැනීම සඳහා ගොවීන් විශාල සංඛ්‍යාවක් කෙටිකාලීන බෝග වගා කිරීම ආරම්භ කර ඇතැයි ද වෙළෙඳපොළ හා වගාව අතර අසමතුලිතතාවය නිසා එම එළවළු මිල සීඝ්‍රයෙන් අඩුවනු ඇතැයි ද ඔහු කීය.

එමනිසා ආණ්ඩුව පැලැස්තර විසඳුම් යෝජනා කිරීම වෙනුවට එළවළු ගබඩා කරන ක්‍රමවේදයක් හා වෙළෙඳපොළ අවශ්‍යතාවයට ගැලපෙන පරිදි සැපයුම් කළමනාකරණයට අවධානය යොමු කළ යුතු යැයි ද එසේ නොවුවහොත් ගොවියත් පාරිභෝගිකයාත් අසරණ වීම නොවැලැක්විය හැකි යැයි ද හඳුන්නෙත්ති මහතා වැඩිදුරටත් සඳහන් කළේය. 

 



අදහස් (2)

හාල් මාෆියාව නැතිකරන්න ජනපතිට පුළුවන්

chris Thursday, 19 December 2019 09:51 AM

ඔබතුමාට පුළුවන්නේ ජනාධිපති ගෝඨාභයත් සමග සාකච්ඡා කරලා මේවා ක්‍රියාවට නංවන්න. ඔය යු.ඇන්.පී අයටත් ඩයස්පෝරාවට කඩේ යනවාට වඩා එහෙම කළොත් ජනතාව ඔයාලටත් ජන්දය දේවී.

:       416       291

Bamunuarachchi Friday, 20 December 2019 12:40 PM

ඇයි ඒ කාලේ ඕවා කිව්වේ නැත්තේ?

:       159       84

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 315 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 842 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1267 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site