(සුජිත් හේවාජුලිගේ සහ ඩයනා උදයංගනී)

ඒකාබද්ධ විපක්ෂය ලබන මස පස් වැනිදා කොළඹදී පවත්වන උද්ඝොෂණය නිසා එම සතියේ පාර්ලිමේන්තු රැස්වීම් නොපැවැත්වීමට තීරණය කර ඇති බවට තොරතුරු වාර්තාවී ඇතැයි අනුරාධපුර දිස්ත්‍රික් මන්ත්‍රී ශෙහාන් සේමසිංහ මහතා පාර්ලිමේන්තුවේදී අද (24) පැවැසීය.

ලබන මස 4,5,6, සහ 7 දිනවල පාර්ලිමේන්තු රැස්වීම් පැවැත්වීමට නියමිතව තිබූ බව කී සේමසිංහ මහතා ආණ්ඩුව විපක්ෂයේ උද්ඝොෂණයට බියවී මේ තීරණය ගෙන ඇතැයිද චෝදනා කළේය.

ඒ සතියේ පාර්ලිමේන්තු රැස්වීම් නියමිත පරිදි පවත්වන්නැයිද ඔහු ඉල්ලීමක් කළේය.සේමසිංහ මහාතා මේ ඉල්ලීම කළේ පළාත් සභා සීමා නිර්ණ වාර්තාව පිළිබඳව විවාදයේදීය.