(අජිත්ලාල් ශාන්තඋදය සහ ජයන්ත නානායක්කාර)
ගුරුවරුන්ගේ වැඩ වර්ජනය පැවතුණ ද සබරගමු පළාතේ පාසල්වල වාර විභාග කටයුතු ඇතුළු ඉගැන්වීම් සාමාන්ය පරිදි අද (18) පැවැත්වූ බව සබරගමු පළාතේ පාසල්වල විදුහල්පතිවරු පැවසූහ.
පළාත් අධ්යාපන අධ්යක්ෂ සේපාල කුරුප්පු ආරච්චි මහතා පැවසුවේ සබරගමු පළාතේ අධ්යාපන කටයුතු වලට මේ වැජවර්ජනය බලනොපෑ බවයි.
බොහෝ පාසල්වල සේවය කරන ගුරුවරුන්ගෙන් 95% ක් පැමිණ තිබූ අතර තවත් පාසල් අතරින් 10%ක් නොපැමිණි පාසල් ද විය.
ගුරුවරුන් පැමිණ සිටි හෙයින් මේ දිනවල පැවැත්වෙන වාර විභාගය බාධාවකින් තොරව පැවැත්වීමට ක්රියා කළ විදුහල්පතිවරු පැවසුහ.
පාසල් ළමයින්ගේ පැමිණීම පාසල් කිහිපයක හැර බොහෝ පාසල්වල සාමාන්ය මට්ටමේ පැවති බවද විදුහල්පතිවරු පැවසූහ.
සමහර පාසල්වල ළමයින්ගේ පැමිණීම ද 80%කින් පමණ බවද විදුහල්පතිවරු කීහ. ඇතැම් පාසල්වලට පැමිණි දරුවන් ආපසු හරවා යැවීමක් සිදු නොකළ බව එවැනි පාසල් වල විදුහල්පතිවරු පැවසූහ.
තමන්ගේ පාසල්වලට ගුරු වර්ජනය සම්බන්ධයෙන් වෘත්තීය සමිති විසින් දැනුවත්වීම් නොකළ නිසා ගුරුවරු වැඩි ප්රමාණයක් සේවයට වාර්තා කර ඇතිබව බොහෝ විදුහල්පතිවරුන් කීහ.
මේ මෙම වැඩවර්ජනයේ පළමු දිනය සබරගමු පළාත තුළ සාර්ථක බව වර්ජනයට සම්බන්ධ ගුරු නියෝජිතයෝ පැවසූහ. ඔවුන් පැවසුවේ සබරගමු පළාතේ 22,000 කට ආසන්න ගුරුවරු අතරින් අද (18) 80%ක් පමණ වැඩ වර්ජනයට එක්වූ බවයි.
එහෙත් පළාත් අධ්යාපන බළධාරීන් එය තරයේ ප්රතික්ෂේප කරයි. ඔවුන් පැවසුවේ මේ ගුරුවැඩ වර්ජනය අසාර්ථක එකක් බවයි.
ගුරුවරුන්ගේ පැමිණීම සම්බන්ධයෙන් පාසල් දරුවන් පැවසුවේ මේ දිනවල වාර විභාග පැවැත්වෙන නිසා ඒ ගැන ඔවුන්ට වැඩි අවබෝධයක් නැති බවයි.
’‘අපි උදේ ඉස්කෝලෙට ගියා. පන්සිල් ගත්තා. ඊට පස්සේ වාර විභාග පටන් ගත්තා. වෙනදා වගේම පාසැලේ වැඩ කෙරුණා. සර්ලා මිස්ලා ආවේ නැද්ද කියලා අපිට දැනුනේ නෑ’’ පාසල් ශිෂ්යයෝ පැවසූහ.
සබරගමු පළාතේ ජාතික පාසල් බොහෝමයක ඉගැන්වීම් කටයුතු සුපුරුදු ලෙස කිසිදු බාධාවකින් තොරව සිදුවූ බව ජාතික පාසල්වල විදුහල්පතිවරු පැවසූහ.
සබරගමු පළාතේ රත්නපුර සහ කෑගල්ල දිස්ත්රික් දෙකේ අධ්යාපන කලාප හතක පාසල් 1134ක් ඇති අතර ඉන් ජාතික පාසල් කිහිපයක් හැර සෙසු පාසල් සබරගමු පළාත් සභාව යටතේ පාලනය වෙයි. රත්නපුර, ඇඹිලිපිටිය, බළංගොඩ, නිවිතිගල, කෑගල්ල, මාවනැල්ල සහ දෙහි ඕවිට යන අධ්යාපන කලාප වල පාසල්වල අධ්යයන කටයුතු සුපුරුදු පරිදි අද (18) සිදුවු බව සබරගමු පළාත් අධ්යාපන අමාත්යාංශයේ ලේකම් මහින්ද එස් වීරසූරිය මහතාගෙන් විමසූ විට ඔහු කීය.
හිටපු ජනාධිපති මෛත්රිපාල සිරිසේන මහතා පාස්කු ඉරු දින ප්රහාරයට මේ රටේ පුරවැසියකු ගැන හෝ මේ රටේ පුරවැසියෙකුගේ සම්බන්ධතාවක් ගැන හෝ කිසිදු තොරතුරු
මත්ද්රව්ය සමග අත්අඩංගුවට පත් නාවික හමුදාවේ ලුතිනන් කමාන්ඩෝවරුන් දෙදෙනා ඇතුළු සැකකරුවන් සිව් දෙනා මැයි මස 09 දින දක්වා රක්ෂිත බන්ධනාගාර ගත කිරීමට ක
හිටපු ජනාධිපති මෛත්රිපාල සිරසේන මහතාගේ සභාපතිත්වය යටතේ පැවති සමයේදී ශ්රී ලංකා නිදහස් පක්ෂයේ අසාධාරණයට ලක්වූ පිරිස් සම්බන්ධයෙන් සොයා බැලීමට පස්දෙ
සමගි ජන බලවේගය සහ ජාතික ජන බලවේගය අතර යෝජිත විවාදය සඳහා මැදිහත් පාර්ශවයක් ලෙස කටයුතු කරන්නැයි සමගි ජන බලවේගයේ මෙහෙයුම් ප්රධානී නලින් බණ්ඩාර මහතා ශ්
පුද්ගලයන් 200 කට ආසන්න සංඛ්යාවක් විදේශ රැකියාවලට පිටත්කර යවන බවට පොරොන්දු වෙමින් රුපියල් කෝටි 30 කට ආසන්න මුදලක් වංචා කළේ යැයි කියන මහරගම ප්රදේශයේ විද
ගාසා හි ගැටුම්වලින් විපතට පත්වූවන් වෙනුවෙන් සහන සැලසීම සඳහා ජනාධිපති රනිල් වික්රමසිංහ මහතා විසින් ආරම්භ කරනු ලැබූ ගාසා හි ළමා අරමුදල (Children of Gaza Fund) සඳහා ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වර්ජනය තිබුණත් සබරගමුවේ පාසල්වල ඉගැන්වීම් සාමාන්ය පරිදිම
සේන Thursday, 18 July 2019 05:33 AM
ගුරුභවතුන් වර්ජනයේ නම් පොලීසියෙන්ද උගන්වන්නේ?
ලුම්බිණි Thursday, 18 July 2019 06:24 AM
හැම එකටම වර්ජන... විශ්වවිද්යාලවල ළමයි වර්ජන, පාසල්වල ගුරුවරු වර්ජන... මීට අමතරව තැපැල් වර්ජන, දුම්රිය වර්ජන, මෙහෙමත් රටක්...
chandana Thursday, 18 July 2019 09:29 AM
පාට කණ්ණාඩි වලින් බලන අමන වහල්ලු ඉන්න රටක් ගුරුවරුත් මීට සහබාගි වන එක තමයි පිරිහීම.....