අසල්වැසි ඉන්දියාවෙන් වාර්තා වන කොරෝනා වයිරස ආසාදිතයන්ගේ ගණන අද (7) 20,000 ඉක්මවා ගියේය.
නව කොරෝනා වයිරසය හේතුවෙන් මේ වනවිට වැඩිම බලපෑමක් එල්ල වූ දකුණු ආසියානු මෙන්ම ආසියානු රට බවට පත් වී ඇත්තේ ද ඉන්දියාව යි.
ආර්ථිකය කණපිට හරවමින් මාස දෙකකට ආසන්න කාලයක් පැවැති ‘ලොක්ඩවුන්’ සීමා ලිහිල් කිරීමට ඉන්දීය බලධාරීහු පියවර ගත්හ. එසේ වුවද එරටින් දෛනිකව වාර්තා වන ආසාදිතයන්ගේ ගණනේ අඩුවක් දක්නට නැතැයි එරට මාධ්ය වාර්තා කරයි.
මාස තුනකට පසු ඉන්දියාවෙන් දෛනිකව වාර්තා වන කොරෝනා වයිරස ආසාදිතයන්ගේ ගණන සහ වයිරස ආසාදිත මරණ ගණන ශීඝ්ර වේගයකින් වැඩිවෙමින් තිබේ. වයිරසයේ ව්යාප්තිය සීමා කිරීම සඳහා ඉන්දියාව පසුගිය මාර්තු මාසයේදී ලොක්ඩවුන් සීමා පැනවීය. ඒ හේතුවෙන් එරට දස දහස් ගණනකට රැකියා අහිමි වූ අතර ව්යාපාර රැසක් කඩාවැටිණි.
ඉන්දියාවෙන් අඟහරුවාදා දිනයෙන් අවසන් වූ පැය 24ක කාලයේදී නව කොරෝනා වයිරස ආසාදිත මරණ 467ක් වාර්තා වූ අතර ඒ අනුව එරටින් වාර්තා වන වයිරස ආසාදිත සමස්ත මරණ ගණන20,160ක් දක්වා ඉහළ ගියේය. එම පැය 24ක කාලයේදී වයිරස ආසාදිතයන් 22,252ක් වාර්තා වූ අතර ඒ අනුව එරටින් වාර්තා වන වයිරස ආසාදිතයන්ගේ සමස්ත ගණන 719,665ක් දක්වා ඉහළ ගියේය. ඉන්දියාව සඳුඳා වැඩිම ආසාදිතයන් ගණනක් වාර්තා වන රටවල් අතර තෙවැනි තැනට පත්විය. ලොව වැඩිම නව කොරෝනා වයිරස ආසාදිතයන් ගණනක් වාර්තා වන රට බවට පත්ව ඇත්තේ ඇමෙරිකා එක්සත් ජනපදය වන අතර දෙවැනියට වැඩිම ආසාදිතයන් ගණනක් වාර්තා වන්නේ බ්රසීලයෙනි.
කෙසේ නමුත් ඉන්දියාවේ පුද්ගලයන් 10,000කට මරණ අනුපාතය 0.15කි. ඇමෙරිකාවේ එම අගය 3.97ක් වන අතර එක්සත් රාජධානියේ එම අගය 6.65කි.
වයිරස ආසාදිතයන්ගේ ගණන හා සැසඳීමේදී ඉන්දියාවෙන් දිනකට වාර්තා වන වයිරස ආසාදිත මරණ ගණන අඩු වුවද ඉදිරි සතිවලදී සැලකිය යුතු අන්දමින් එය ඉහළ යනු ඇතැයි සෞඛ්ය බලධාරීහු බිය පළ කරති. ලොව වැඩිම වයිරස ආසාදිත මරණ ගණනක් වාර්තා වන රටවල් අතර ඉන්දියාව හත්වැනි තැන පසුවෙයි. ලොව වැඩිම නව කොරෝනා වයිරස ආසාදිත මරණ ගණනක් වාර්තා වන්නේ ඇමෙරිකා එක්සත් ජනපදයෙනි. ඉන් අනතුරුව බ්රසීලය, එක්සත් රාජධානිය, ඉතාලිය, ප්රංශය සහ ස්පාඤ්ඤය යන රටවලින් වයිරස ආසාදිත මරණ වැඩිම ගණනක් වාර්තා වේ.
ජූලි මාසය මුලදී ඉන්දියාවෙන් දිනකට වාර්තා වූ මරණ ගණනේ සාමාන්ය 450කි. ජූනි මස මුල් සතියේදී එය 250ක් වූ අතර මැයි මස මුල් සතියේදී එය 101ක් විය.
රොයිටර්
055
පුද්ගලයන් 200 කට ආසන්න සංඛ්යාවක් විදේශ රැකියාවලට පිටත්කර යවන බවට පොරොන්දු වෙමින් රුපියල් කෝටි 30 කට ආසන්න මුදලක් වංචා කළේ යැයි කියන මහරගම ප්රදේශයේ විද
ගාසා හි ගැටුම්වලින් විපතට පත්වූවන් වෙනුවෙන් සහන සැලසීම සඳහා ජනාධිපති රනිල් වික්රමසිංහ මහතා විසින් ආරම්භ කරනු ලැබූ ගාසා හි ළමා අරමුදල (Children of Gaza Fund) සඳහා ස
අපොස සාමාන්ය පෙළ නැවත සමීක්ෂණ ප්රතිඵල මෙවර සාමාන්ය පෙළ විභාගයට පෙර නිකුත් කරන බව අධ්යාපන අමාත්ය ආචාර්ය සුසිල් ප්රේමජයන්ත මහතා පාර්ලිමේන්තුවේ
අපරාධ මර්දනය කර නීතිය සහ සාමය ස්ථාපනය කළ හැකි පොලිසියක් සහ බුද්ධි අංශ රටට අවශ්ය බව කොළඹ දිස්ත්රික් මන්ත්රී මන්ත්රී පාඨලී චම්පික රණවක මහතා පාර්ලිම
කෘෂිකර්ම හා වැවීලි කර්මාන්ත අමාත්ය මහින්ද අමරවීර මහතා අද දින (26) ඉරානය බලා පිටත්ව ගියේය.
’’කෑගහන්න එපා. වැඩිය කෑ ගැහුවොත් සෙංකෝලේ උස්සගෙන යනවා’’ යැයි ප්රාථමික කර්මාන්ත රාජ්ය අමාත්ය චාමර සම්පත් දසනායක මහතා පාර්ලිමේන්තුවේදී අද(26) තර්ජන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉන්දියාවේ කොරෝනා වයිරස ආසාදිත මරණ 20,000 ඉක්මවයි