‘බුල්බුල්’ සුළි කුණාටුව චණ්ඩ වෙයි
(ඩයනා උදයංගනී)
බෙංගාල බොක්ක මුහුදු ප‍්‍රදේශයේ පවතින ‘බුල්බුල්’ සුළි කුණාටුව ඉතා චණ්ඩ සුළි කුණාටුවක් බවට වර්ධනය වී ඇතැයි කාලගුණ විද්‍යා දෙපාර්තමේන්තුව පවසයි.
එය ඉදිරියේදී තව දුරටත් වර්ධනය වෙමින් ඉන්දියාවේ බටහිර බෙංගාල සහ බංග්ලාදේශ වෙරළ තීරය දෙසට ගමන් කිරීමට බොහෝ දුරට ඉඩ ඇතැයි එම දෙපාර්තමේන්තුවේ ප‍්‍රකාශකයෙක් පැවසීය.
එහි බලපෑමෙන් බෙංගාල බොක්ක මුහුදු ප‍්‍රදේශය ඉතා රළු විය හැකි නිසා නොවැම්බර් 11 වැනිදා දක්වා එම මුහුදු ප‍්‍රදේශයේ ධීවර හා නාවුක කටයුතුවල නොයෙදෙන ලෙස කාලගුණ විද්‍යා දෙපාර්තමේන්තුව දැනුම්දීමක් කරයි.
විශේෂයෙන්ම එම මුහුදු ප‍්‍රදේශයේ යාත‍්‍රා නොකරන ලෙස බහුදින ධීවර යාත‍්‍රාවලට දැනුම් දී ඇතැයි ඔහු පැවසීය.
බෙංගාල බොක්ක මුහුදු ප‍්‍රදේශයේ තද වැසි සමඟ පැයට කිලෝමීටර 80, 100 පමණ වේගවත් හා විටින් විට පැයට කිලෝමීටර 120 සිට 130 පමණ දක්වා ඉතා තද සුළං ඇති විය හැකි බැවින් මුහුදේ ස්වභාවය දළ රළු විය හැති බව ද එම ප‍්‍රකාශකයා කීවේය.
දිවයිනේ බොහෝ ප‍්‍රදේශවල හෙට (09) පස්වරුවේ වැසි ඇතිවිය හැකි අතර බස්නාහිර පළාතේත්, ගාල්ල, මාතර සහ පුත්තලම දිස්ත්‍රික්කවලත් උදෑසන කාලයේදීත් වැසි ඇතිවිය හැකි බව ද හෙතෙම පැවසීය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
