සෞදි අරාබියේ ඇබ්ක්වේක් සහ කුරේයිස් පළාත්වල පිහිටි ඉන්ධන කර්මාන්තශාලා දෙකක් ඩ්‍රෝන ප්‍රහාර එල්ලවීම හේතුවෙන් ගිනිගෙන  ඇතැයි වාර්තා වේ.

සෞදි බලධාරීන් පවසන්නේ ස්ථාන දෙකෙහිම ගිනිගැනීම් මේ වනවිට පාලනය කර ඇති බවයි.

ගිනිදැල් සහ දැවැන්ත දුම් රොටු අහසට විහිදෙනු දක්නට ලැබුණු බව බලාසිටින්නන් පවසා ඇත.

යේමනයේ හවුති සටන්කරුවන් විසින් ප්‍රහාරය එල්ල කර ඇතැයි සැකකරන නමුත් මේ සම්බන්ධව සෞදි මාධ්‍ය කිසිවක් පවසා නැතැයි සඳහන් වේ. ඉරානය හවුති සටන්කරුවන්ට ආධාර සපයයි.

කෙසේවුවද ඉරානය මෙම චෝදනා ප්‍රත්ක්ෂේප කර තිබේ.

සෞදි අරාබියේ නැගෙනහිර දහරාන් නගරයට කිලෝමීටර් 37ක් නිරිත දිගින් පිහිටි ඇබ්ක්වේක් නගරයේ ලෝකයේ විශාලතම තෙල් පිරිපහදු කම්හල පිහිටා ඇත.



(රොයිටර් පුවත් ඇසුරිණි - 085)