(ටෝනි කරුණානායක)

ගම්පහ උඩුගම්පොළ පිහිටි මාර්ග සංවර්ධන අධිකාරියේ කලමනාකාර සහකාරවරියකට කාර්‍ය්ලය තුලදි පහර දුන් එම ආයතන ප්‍රධානියාව රුපියල් ලක්ෂ 02 බැගින් වූ ශරීර ඇප 02 ක් මත මුදාහරින ලෙස ගම්පහ ප්‍රධාන මහෙස්ත්‍රාත් මංජුල කරුණාරත්න මහතා අද (25) නියම කළේය.

නුවර පාර, කෑගල්ල ප්‍රදේශයේ පදිංචි ඩී. ලලිත් සිරිසුමන නැමති සැකකරුව මෙසේ ඇප මත මුදාහරින ලෙස නියම කෙරුණි .
ගම්පහ අස්ගිරියේ පදිංචි ආර් .එම්.එන්.ලක්මාලි නැමැත්තිය පැමිනිලිකාරිය වූවාය.

ඇප පනතේ සදහන් කරුනු වලට අදාළව ඇප ප්‍රතික්ෂේප කිරීමට අවශ්‍ය කරුනු අනාවරණය නොවීම හේතුවෙන් සැකකරුට මෙසේ ඇප නියම කරන බවට අධිකරයේදී සදහන් විය .

සැකකරු පැමිනිකාරිය ගෙන් ආයතනයක දුරකථන අංකයක් ඉල්ලා ඇති බවත් එම දුරකථන අංකය ලබා දීමට පැමිනිකාරිය ප්‍රමාද වීම හේතුවෙන් එම පහර දීම 24 වෙනිදා සිදුව ඇතත් විද්යුත් මාධ්‍යවල සිද්ධිය අනාවරණය වීමෙන් අනතුරුවය. පැමිණිලිකාරිය ගම්පහ පොලිසියට අද (25) පැමිනිල්ලක් ඉදිරිපත් කිරීමෙන් අනතුරුව සැකකාර ආයතන ප්‍රධානියාව අත් අඩංගුවට ගෙන අධිකරණය ට ඉදිරිපත් කිරීමට අවශ්‍ය පියවර ගත් බව ගම්පහ පොලිසිය අධිකරණය හමුවේ වැඩ්දුරටත් සදහන් කලේය.

ඇප නියම වූ උඩුගම්පොළ පිහිටි මාර්ග සංවර්ධන අධිකාරියේ ප්‍රධානියා වූ ලලිත් සිරිසුමන නැමති සැකකරුට නැවත ලබන ජනවාරි මස 27 වෙනිදා ට ගම්පහ මහෙස්ත්‍රාත් අධිකරණය හමුවේ පෙනී සිටින ලෙස අධිකරණයෙන් වැඩ්දුරටත් නියම කෙරුණි .