ත‍්‍රස්ත සංවිධානයක සාමාජිකයින් පිරිසක් ශ්‍රී ලංකාවේ සිට මුහුදු මාර්ගයෙන් ඉන්දියාවට පැමිණ ඇති බවට ලද තොරතුරු මත සිදුකළ සෝදිසි මෙහෙයුම් වලදී ශ්‍රී ලාංකිකයින් පස් දෙනෙකු ඇතුළු සැක කටයුතු පුද්ගලයින් 6 දෙනෙකු ඉන්දීය ආරක්ෂක අංශ බාරයට ගෙන ඇතැයි එරට පළවන ‘‘ඉන්දියා ටුඩේ ’’ පුවත්පත අද ( 25) වාර්තා කර තිබිණි.
ගතවු දින දෙක තුළ ඉන්දීය ආරක්ෂක අංශ සිදුකළ එම සෝදිසි මෙහෙයුම්වලදී අත්අඩංගුවට ගනු ලැබූ පකිස්ථාන ජාතික කාන්තාවක් ඇතුළු ලාංකික දෙමළ ජාතිකයින් පස් දෙනා ප‍්‍රශ්න කිරීම සඳහා කේරළ හා කොයිම්බතූර් පොලීස් බාරයට ගෙන ඇති බවද එම පුවත් වෙබ් අඩවි වාර්තාවේ සඳහන් වේ.
ආසියාවේ ව්‍යාප්ත වී තිබෙන ත‍්‍රස්ත සංවිධානයක් වන ලෂ්කාර් - ඊ- ටයිබා සංවිධානයේ සාමාජිකයින් වන මෙම ශ්‍රී ලාංකිකයින් දෙමළ , මුස්ලිම් සම්භවයක් සහිත අයවන බවද එහි සඳහන් වේ.
ඔවුන් පස් දෙනා සහ සහ පාකිස්ථාන ජාතික කාන්තාව ශ්‍රී ලංකාවේ සිට මුහුදු මාර්ගයෙන් ඉන්දියාවට පැමිණ ඇති බවට එරට බුද්ධි අංශ ඉකුත් 23 වැනිදා අනතුරු ඇඟවීමක් කර තිබුණි.
මේ හේතුවෙන් ඉන්දියාවේ තමිල්නාඩු, කේරළ ඇතුළු ප‍්‍රාන්ත කිහිපයක ආරක්ෂාව තර කර සෝදිසි මෙහෙයුම් සිදුකිරීමට ඉන්දීය ආරක්ෂක අංශ පියවර ගනු ලැබීය.
ඒ අනුව එම ත‍්‍රස්ත සංවිධානයකට සම්බන්ධ පිරිසක් තමිල්නාඩුවට සහ කේරළයට ඇතුළු වී ඇති බවට ඉන්දීය ආරකෂක අංශ තහවුරු කර ගත් අතර එම අනතුරු ඇගවීමෙන් පසුව සැකපිට මෙම ලාංකිකයින් 5 දෙනා සහ පකිස්ථාන ජාතික කාන්තාව රදවාගෙන ප‍්‍රශ්න කරන බව ඉන්දීයා ටුඩේ වාර්තාවේ වැඩිදුරටත් සඳහන් වේ.
( 125)
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
